ក្រសួងពាណិជ្ជកម្ម តម្រូវឱ្យក្រុមហ៊ុន Nutrilatt Master LM Co., Ltd.: បញ្ឈប់ជាបន្ទាន់ការនាំចូល និងចែកចាយនូវផលិតផលម្សៅទឹកដោះគោសម្រាប់ចិញ្ចឹមទារក និងកុមារម៉ាក Nutrilatt

ភ្នំពេញ៖ ដើម្បីការពារ សុខភាព ទារក និងកុមារ ងាយគ្រោះថ្នាក់ដោយសារ ផលិតផលម្សៅទឹកដោះគោម៉ាក Nutrilatt ដែលមាន B/N 487, 488, 536, 57, 538 និង 539 ក្រសួងពាណិជ្ជកម្ម តម្រូវឱ្យក្រុមហ៊ុន Nutrilatt Master LM Co., Ltd.: បញ្ឈប់ជាបន្ទាន់ការនាំចូល និងចែកចាយនូវផលិតផលម្សៅទឹកដោះគោសម្រាប់ចិញ្ចឹមទារក និងកុមារ។ នេះបើយោងតាមសេចក្តីជូនដំណឹង របស់ក្រសួងពាណិជ្ជកម្ម ដែលអង្គភាព «នគរដ្រេហ្គន» ទទួលបាននៅរសៀលថ្ងៃទី៣ ខែកញ្ញា ឆ្នាំ២០២០ ស្តីពីការដាក់ចេញនូវវិធានការចំពោះផលិតផលម្សៅទឹកដោះគោម៉ាក Nutrilatt ដែលមាន B/N 487, 488, 536, 57, 538 និង 539។

ក្នុងនោះក្រសួងពាណិជ្ជកម្ម សូមជម្រាបជូនសាធារណជនជ្រាបថា ៖ ដោយផ្អែកលើលទ្ធផលវិភាគលើសំណាកតំរូម្សៅទឹកដោះគោ ម៉ាក Nutriat B/N 487, 488, 536, 537, 538 និង 539 ចេញដោយមន្ទីរពិសោធន៍ឯករាជ្យមួយនៅប្រទេសសិង្ហបុរី ឈ្មោះ Eurofins Food Testing Singapore Pte Ltd ដែលទទួលស្គាល់ជាអន្តរជាតិ តាមស្តង់ដារ ISO/IEC 17025:2017 បានបង្ហាញឱ្យឃើញថា សំណាកគំរូផលិតផលម្សៅទឹកដោះគោម៉ាក Nutrilatt ដែលមានលេខកូដ ខាងលើ មានកម្រិតជាតិដែកតិចជាង ០,២៥មីលីក្រាម /១០០ក្រាម គឺមានកម្រិតទាបខ្លាំងពីលក្ខខណ្ឌតម្រូវអប្បរមា ដែលកំណត់ដោយស្តង់ដារកូដិចអន្តរជាតិ ដែលក្នុងនោះកម្រិតជាតិដែកតម្រូវឱ្យមានយ៉ាងតិច ២,២៨ មីលីក្រាម ១០០ក្រាម សម្រាប់ផលិតផលលេខ១ (ចាប់ពីទារក ដល់អាយុ ៦ខែ) និងយ៉ាងតិច ៤.៧២ មីលីក្រាម សម្រាប់ផលិតផលលេខ២ (ចាប់ពីអាយុ ៦ខែ ដល់អាយុ ១២ខែ)។ /១០០ ក្រាម។ 

ក្នុងគោលបំណងទប់ស្កាត់ផលប៉ះពាល់ដល់សុខភាពទារក និងកុមារកម្ពុជា ពីការបំបៅកូនដោយម្សៅទឹក ដោះគោម៉ាក Nutrilatt លេខកូដដូចខាងលើ ក្រសួងពាណិជ្ជកម្ម មានវិធានការ ដូចខាងក្រោម៖

១» តម្រូវឱ្យក្រុមហ៊ុន Nutrilatt Master LM Co., Ltd.:

• បញ្ឈប់ជាបន្ទាន់ការនាំចូល និងចែកចាយនូវផលិតផលម្សៅទឹកដោះគោសម្រាប់ចិញ្ចឹមទារក និងកុមារ (ចាប់ពីទារក ដល់ ២៤ខែ) ម៉ាក Nutrilatt រហូតដល់មានការជូនដំណឹងជាថ្មី

– ប្រមូលត្រឡប់មកវិញនូវផលិតផលម្សៅទឹកដោះគោម៉ាក Nutrilatt B/N 487, 488, 536, 537, 538 និង 539 ពីទីផ្សារក្នុងព្រះរាជាណាចក្រកម្ពុជា និងប្រគល់ជូនអគ្គនាយកដ្ឋាន ក – សហការជាមួយអគ្គនាយកដ្ឋាន ក. .ប .ប . ដើម្បីបន្តនីតិវិធី ប.ប. ដើម្បីបញ្ជាក់អំពីគុណភាព និងលក្ខខណ្ឌតម្រូវនានាចំពោះ ផលិតផលម្សៅទឹកដោះគោម៉ាក Nutrilatt ដែលមានលេខកូដផ្សេងទៀត (ក្រៅពី B/N 487, 488, 536,537, 538 និង 539) ក្នុងរយៈពេល ៣ខែ។ 

២- តម្រូវឱ្យម្ចាស់ផ្សារទំនើប ឱសថស្ថាន និងហាងលក់ទំនិញនានាទូទាំងប្រទេស ផ្អាកជាបន្ទាន់ការដាក់តាំងលក់ នូវផលិតផលម្សៅទឹកដោះគោសម្រាប់ចិញ្ចឹមទារក និងកុមារ ម៉ាក Nutrilatt ទាំងអស់ និងត្រូវប្រគល់ជូន អគ្គនាយកដ្ឋាន ក.ប.ប. នូវផលិតផលម្សៅទឹកដោះគោម៉ាក Nutrilatt B/N 487, 488, 536, 537, 538 និង 539។

៣- តម្រូវឱ្យអគ្គនាយកដ្ឋាន ក. ប. ប. ចុះត្រួតពិនិត្យនៅតាមបណ្តាផ្សារទំនើប ឱសថស្ថាន និងហាងលក់ទំនិញ នានា ដើម្បីដកហូតផលិតផលម្សៅទឹកដោះគោម៉ាក Nutrilatt មានលេខកូដខាងលើ ក្នុងករណីដែលរកឃើញ ផលិតផលទាំងនោះនៅតែបន្តចរាចរនៅលើទីផ្សារ ។

ក្រសួងពាណិជ្ជកម្ម សូមអំពាវនាវដល់មាតា បិតា និងអាណាព្យាបាល បញ្ឈប់ជាបន្ទាន់នូវការបំបៅកូនដោយ ម្សៅទឹកដោះគោម៉ាក Nutrilatt B/N 487, 488, 536, 537, 538 h 539 និងអញ្ជើញមកដាក់ពាក្យបណ្តឹងដោយ ភ្ជាប់មកជាមួយនូវឯកសារពាក់ព័ន្ធនានា នៅអគ្គនាយកដ្ឋាន ក .ប .ប, មានអាសយដ្ឋាន ផ្លូវលេខ១៨ ភូមិក្តីតាកុយ សង្កាត់វាលស្បូវ ខណ្ឌច្បារអំពៅ រាជធានីភ្នំពេញ ទូរសព្ទលេខ (+៨៥៥) ៩២ ៨៣០ ៨៥៦ ឬតាមរយៈបណ្តាញ សង្គម (https://www.facebook.com/camcontrolkh/) ប្រសិនបើសង្ស័យថា ទារករបស់ខ្លួនទទួលរងផលប៉ះពាល់ ពីការប្រើប្រាស់ផលិតផលម្សៅទឹកដោះគោម៉ាក Nutrilatt ដែលមានលេខកូដខាងលើ ឬលេខកូដផ្សេងៗទៀត។

ក្រសួងពាណិជ្ជកម្ម សូមស្នើសុំការចូលរួមសហការពី មាតា បិតា អាណាព្យាបាល ម្ចាស់ក្រុមហ៊ុន ផ្សារទំនើប ឱសថស្ថាន ហាងលក់ទំនិញនានា និងអាជ្ញាធរមានសមត្ថកិច្ចពាក់ព័ន្ធ ដើម្បីឱ្យការអនុវត្តវិធានការខាងលើមាន ប្រសិទ្ធភាព សំដៅទប់ស្កាត់ផលប៉ះពាល់ដល់សុខភាពទារក និងកុមារកម្ពុជា និងហានិភ័យនានា ដែលកើតឡើងពី ការប្រើប្រាស់ផលិតផលម្សៅទឹកដោះគោប្រភេទនេះ សម្រាប់ចិញ្ចឹមទារក និងកុមារ (ចាប់ពីទារក ដល់ ២៤ខែ)។ ក្រសួងពាណិជ្ជកម្ម កំពុងបន្តចាត់វិធានការតាមផ្លូវច្បាប់ឱ្យមានប្រសិទ្ធភាពខ្ពស់លើផលិតផលទឹកដោះគោម្សៅផ្សំតាមរូបមន្តដែលមានបញ្ហា ដើម្បីចូលរួមលើកកម្ពស់បំផុសស្មារតីដល់មាតា បិតា និងអាណាព្យាបាលគ្រប់រូប វលើការអនុវត្តបំបៅកូនដោយទឹកដោះម្តាយ ស្របតាមសារលិខិត សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាថ្លែងក្នុងទិវាជាតិអាហារូបត្ថម្ភលើកទី៦ កាលពីថ្ងៃទី៦ ខែវិច្ឆិកា ឆ្នាំ២០១៩ ក្រោមប្រធានបទ “ការបំបៅកូនដោយទឹកដោះម្តាយ គឺជាជម្រើសដ៏ប្រសើរសម្រាប់អភិវឌ្ឍមូលធនមនុស្ស និងសេដ្ឋកិច្ចជាតិ៕

ដោយ៖ សុខ ខេមរា