សារព័ត៌មាន នគរវត្ត តែងតែនាំមុខគេជានិច្ច
ក្លិប Everton បានយល់ព្រមលើកិច្ចព្រមព្រៀងជាមួយក្លិប Watford សម្រាប់ខ្សែបម្រើ Abdoulaye Doucoure ដែលអាចមានតម្លៃរហូតដល់ទៅ២៥លានផោន។ ការចរចានេះឈានដល់ការសន្និដ្ឋានប្រកបដោយជោគជ័យកាលពីម្សិលមិញ។ កីឡាករបារាំងវ័យ២៧ឆ្នាំរូបនេះនឹងមានកិច្ចសន្យា៤ឆ្នាំជាមួយក្លិប Everton ។
ក្លិប Everton បានព្យាយាមចុះហត្ថលេខា Doucoure កាលពីរដូវក្តៅមុន ប៉ុន្តែក្លិប Watford បដិសេធមិនលក់។ អ្នកចាត់ការទូទៅលោក Ancelotti បានបង្ហាញចំណាប់អារម្មណ៍ឡើងវិញដែលត្រូវបានបង្ហាញជាលើកដំបូងសម្រាប់លោក Marco Silva ដែលជាគ្រូបង្វឹកថ្មីរបស់ក្លិប Watford ។
ជាមួយគ្នានោះអ្នកចាត់ការសញ្ជាតិអុីតាលីលោក Carlo Ancelotti ក៏កំពុងតាមចាប់យក James Rodriguez របស់ Real Madrid និងខ្សែបម្រើអន្តរជាតិប្រេស៊ីល Allan របស់ Lazio ផងដែរ។
ក្រុម Everton សង្ឃឹមថានឹងបញ្ចប់កិច្ចព្រមព្រៀងតម្លៃ ២០ លានផោនសម្រាប់ខ្សែប្រយុទ្ធសញ្ជាតិកូឡុំប៊ី Rodriguez វ័យ២៧ឆ្នាំរបស់ក្រុម Real Madrid នៅមុនចុងសប្តាហ៍នេះដោយមានលោក Ancelotti ដែលជាកម្លាំងជំរុញ។
លោក Ancelotti បានបង្កើតទំនាក់ទំនងជិតស្និទ្ធជាមួយ Rodriguez នៅឯ Bernabeu ហើយក៏បាននាំគាត់ទៅលេងនៅ Bayern Munich ក្នុងលក្ខខណ្ឌខ្ចីជើង។
Everton ក៏បានយល់ព្រមលើកិច្ចព្រមព្រៀង២៥ លានផោនជាមួយ Napoli សម្រាប់ខ្សែបម្រើប្រយុទ្ធប្រេស៊ីល Allan អាយុ២៩ឆ្នាំដែរ ដែលជាកីឡាករសំខាន់ម្នាក់នៅក្នុងក្រុមរបស់លោក Ancelotti នៅប្រទេសអុីតាលីមុនពេលលោកត្រូវបានបណ្តេញចេញកាលពីខែធ្នូ ៕ដោយ៖ភារៈ
