សារព័ត៌មាន នគរវត្ត តែងតែនាំមុខគេជានិច្ច
ចំនួនអ្នកស្លាប់ដោយការធ្វើអត្តឃាតនៅក្នុងប្រទេសជប៉ុនបានធ្លាក់ចុះយ៉ាងខ្លាំងក្នុងដំណាក់កាលនៃការផ្ទុះកូវីដ-១៩ ។
តាមសារព័ត៌មាន SCMP បានផ្សាយថា តាមលទ្ធផលស្រាវជ្រាវ របស់ Shohei Okamoto ដែលបានប្រកាសនៅថ្ងៃទី៣ ខែកញ្ញា បង្ហាញឲ្យឃើញថា មូលហេតុបណ្តាលឲ្យមានអ្នកធ្វើអត្តឃាតថយចុះ គឺដោយសារតែការជួយផ្នែកហិរញ្ញវត្ថុពីរដ្ឋាភិបាលក្នុងពេលនៃការឆ្លងរាលដាលជំងឺកូវីដ-១៩។
ជាក់ស្តែង នៅក្នុងដំណាក់កាលពីខែកុម្ភៈដល់ខែមិថុនា ឆ្នាំ២០២០ ចំនួនអ្នកស្លាប់នៅជប៉ុនដោយការធ្វើអត្តឃាតបានថយចុះ១៣,៥ភាគរយ បើប្រៀបធៀបរយៈពេលដូចគ្នានៅឆ្នាំ២០១៩។
តាមរបាយការណ៍របស់ Shohei Okamoto ចំនួនពលរដ្ឋធ្វើអត្តឃាត ចាប់ពីខែកុម្ភៈដល់ខែ មិថុនា ឆ្នាំ២០២០ មានចំនួន១០២៧នាក់ ចំណែកពលរដ្ឋស្លាប់ដោយកូវីដ-១៩ មានតែ៩៧៤នាក់ប៉ុណ្ណោះ ក្នុងរយៈពេលដូចគ្នា។
រយៈពេលកន្លងមក ក្រុមអ្នកឯកទេសសុខាភិបាលបានបង្ហាញក្តីបារម្ភយ៉ាងខ្លាំងស្តីពីវិបត្តិស្មារតីពាក់ព័ន្ធនឹងកូវីដ-១៩។ ក្រុមអ្នកជំនាញខ្លាចពលរដ្ឋធ្វើអត្តឃាតដោយសារតែកូវីដ-១៩ ដោយបញ្ហាសេដ្ឋកិច្ច ឬធុញទ្រាន់នឹងច្បាប់គម្លាតសង្គម។ ប៉ុន្តែការព្យាករនេះគឺផ្ទុយស្រឡះ ដោយអ្នកធ្វើអត្តឃាតបានធ្លាក់ចុះទៅវិញ។ មនុស្សមួយចំនួនបានលើកឡើងថា«ពេលក្តីស្លាប់ឃើញនៅចំពោះមុខទើប មនុស្សមើលឃើញពីតម្លៃនៃជីវិត ដោយមិនចង់ស្លាប់ឡើយ»៕ដោយ៖ធី រីណា
