សារព័ត៌មាន នគរវត្ត តែងតែនាំមុខគេជានិច្ច
សហព័ន្ធបាល់ទាត់ទ្វីបអឺរ៉ុប (UEFA) បានប្រកាសកាលបរិច្ឆេទ និងទីតាំងសម្រាប់ការប្រកួតជម្រុះតាមពូលនៃពានរង្វាន់ក្របខ័ណ្ឌ Champions League និង Europa League។ ការចាប់រង្វាន់និងការប្រគល់រង្វាន់ឆ្នាំ២០១៩-២០២០ នឹងធ្វើឡើងនៅទីស្នាក់ការកណ្តាលរបស់សហព័ន្ធនៅទីក្រុង Nyon ប្រទេសស្វ៊ីសនៅថ្ងៃទី១ ខែតុលា។
ក្រុម Real Madrid, Barcelona, Atletico Madrid និង Sevilla គឺជាក្រុមមកពីលីគកំពូលអេស្ប៉ាញ La Liga ទាំងបួនដែលនឹងចូលរួមក្នុងការចាប់ឆ្នោតនៃក្របខ័ណ្ឌ Champions League ។
ចំណែកក្រុម Villarreal និង Real Sociedad ទទួលបានសិទ្ធិជម្រុះរួចហើយក្នុងវគ្គចែកពូល Europa League ខណៈក្រុម Granada នឹងត្រូវឈានទៅវគ្គបន្តតាមរយៈវគ្គជម្រុះ។
សូមបញ្ជាក់ថា ក្រុមដែលជាម្ចាស់ពានរង្វាន់ Champions League រដូវកាល២០១៩-២០២០បានទៅលើក្រុមខ្លាំងមកពីអាល្លឺម៉ង់ Bayern Munich ដែលបានយកឈ្នះក្រុមខ្លាំងមកពីបារាំង PSG ក្នុងលទ្ធផល១ទល់០វគ្គផ្តាច់ព្រ័ត្រ។ ចំណែកម្ចាស់ជើងឯកពានរង្វាន់Europa League បានទៅលើក្រុមមកពីអេស្ប៉ាញ Sevilla ដោយបានយកឈ្នះក្រុម Inter Milan ក្នុងវគ្គផ្តាច់ព្រ័ត្រ ៕ដោយ៖ភារៈ
