សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ ដោយសារអំណាចទឹកប្តូរនិស្ស័យ កូនស្រីខឹងឪពុកស្តីបន្ទោសក៏ទាញដំបងវាយសម្លាប់ដោយឥតត្រាប្រណី ។
ហេតុការណ៍នេះបង្កឲ្យមានការភ្ញាក់ផ្អើលឡើងកាលពីព្រឹកថ្ងៃទី១២ ខែតុលា ឆ្នាំ២០២០ ស្ថិតនៅភូមិស្វាយកាល់ ឃុំកកោះ ស្រុកសន្ទុក ខេត្តកំពង់ធំ ។
សមត្ថកិច្ចបានឲ្យដឹងថា ជនរងគ្រោះឈ្មោះ លឹម លន់ ភេទប្រុស អាយុ៧៨ឆ្នាំ។ ចំណែកកូនស្រីបង្កើតដែលជាឃាតក ឈ្មោះ លន់ សារឹម អាយុ២៥ឆ្នាំ មានប្តីឈ្មោះ នៀវ សារ៉េត អាយុ៣២ឆ្នាំ មានកូន១នាក់ឈ្មោះ នៀវ វិរ: ភេទប្រុស អាយុ៤ឆ្នាំ ។
បន្ទាប់ពីកើតហេតុសមត្ថកិច្ចបានឃាត់ខ្លួនជនសង្ស័យជាឃាតកបញ្ជូនទៅប៉ុស្តិ៍នគរបាលសន្ទុក ដើម្បីចាត់ការបន្តតាមនីតិវីធី ។ចំណែកសពត្រូវបានក្រុមគ្រួសាររៀបចំធ្វើបុណ្យតាមប្រពៃណី ៕
ដោយ៖ជ្រោយពេជ្រ
