សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ ដោយសារមានភ្លៀងធ្លាក់ជាបន្តបន្ទាប់អស់រយះពេលជាច្រើនថ្ងៃបង្កអោយមានជំនន់ទឹកភ្លៀងនិងបណ្ដាលអោយផ្ទះបងប្អូនប្រជាពលរដ្ឋមួយចំនួនក៏ដូចជាស្រូវស្រែរងផលប៉ះពាល់ដោយសារទឹកភ្លៀងនារសៀលម៉ោង១និង៣០នាទីថ្ងៃទី១៥ខែតុលាឆ្នាំ២០២០អាជ្ញាធរស្រុកនិងសមត្ថកិច្ចដែលជាកងកំលាំងទាំង៣អង្គភាពបានចុះជួយច្រូតស្រូវប្រជាពលរដ្ឋដែលប៉ះពាល់ដោយជំនន់ទឹកភ្លៀងនៅក្នុងឃុំស្វាយយា ស្រុកស្វាយជ្រំខេត្តស្វាយរៀង។
បើតាមអាជ្ញាធរស្រុកស្វាយជ្រំបានអោយដឹងថានៅរសៀលថ្ងៃទី១៥ខែតុលាឆ្នាំ ២០២០ លោក ហែមសារិទ្ធ អភិបាលស្រុកស្វាយជ្រំបានដឹកនាំកំលាំងមានលោកអធិការលោកមេបញ្ជារការកងរាជអាវុធហត្ថស្រុកលោកមេបញ្ជាការសឹករងស្រុកលោក មេឃុំកម្លាំងប្រជាការពារនិងប្រជាពលរដ្ឋជាច្រើនបានចុះជួយច្រូតស្រូវប្រជាពលរដ្ឋដែលរងផលប៉ះពាល់ដោយសារទឹកភ្លៀងស្ថិតនៅភូមិទួលវិហារឃុំស្វាយយាស្រុកស្វាយជ្រំ លើផ្ទៃដីស្រែប្រមាណចំនួន៨៥អា។
ក្នុងឱកាសនោះលោកអភិបាលស្រុកបានផ្តាំផ្ញើដល់ប្រជាពលរដ្ឋទាំងអស់ត្រូវត្រៀមខ្លួនឱ្យបានរួចរាល់នៅពេលទឹកស្រកទៅវិញ ចាប់ផ្តើមប្រកបមុខរបរចិញ្ចឹមជីវិត និងបង្កបង្កើនផលដំណាំឡើងវិញ ថែទាំសុខភាពឱ្យបានល្អ ទទួលទានអាហារឱ្យបានត្រឹមត្រូវ ផឹកទឹកដាំឆ្អិនល្អ រស់នៅក្នុងបរិស្ថានស្អាត មានអនាម័យ ត្រូវគេងក្នុងមុងជានិច្ច និងត្រូវមានការប្រុងប្រយ័ត្នចំពោះសត្វអសិរពិសផ្សេងៗនៅពេលទឹកឡើង និងក្រោយស្រកទៅវិញ ជាពិសេសត្រូវមើលក្មេងតូចៗកុំឱ្យលេងទឹក ដែលអាចបណ្តាលឱ្យលង់ទឹកស្លាប់ ធ្វើឱ្យក្រុមគ្រួសារមានវិប្បដិសារីអស់មួយជីវិត ៕យឹម សុថាន
