សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ បុរសវ័យចំណាស់ម្នាក់បានស្លាប់ ខណៈដែលបុរសរូបនោះបានផឹកស៊ីនៅតូបអ្នកលក់នាចុងភូមិ ហើយពេលស្រវឹងស្រាជោកហើយក៏ដើរត្រឡប់ទៅផ្ទះវិញ តែពេលដើរទៅជិតដល់ផ្ទះហើយស្រាប់តែរអិលជើងដួលចូលទឹកជំនន់ដែលមានជម្រៅត្រឹមចង្កេះលង់ស្លាប់តែម្ដង។
ហេតុការណ៍នេះបានកើតឡើងកាលពីវេលាម៉ោង១៥និង៣០នាទីរសៀលថ្ងៃទី២១ខែតុលា ឆ្នាំ២០២០នៅត្រង់ចំណុចក្រុមទី៨ ភូមិក្បាលថ្នល់ ឃុំកំពង់ព្រៀង ស្រុកសង្កែ ខេត្តបាត់ដំបង។
បើតាមសមត្តកិច្ចមូលដ្ឋានឲ្យដឹងថា ជនរងគ្រោះលង់ទឹកស្លាប់មាន ឈ្មោះគង់ សម្បត្តិ ភេទប្រុសអាយុ៤៧ឆ្នាំ មុខរបរមិនពិតប្រាកដ រស់នៅភូមិឃុំកើតហេតុខាងលើ។
សមត្ថកិច្ចមូលដ្ឋានបានបន្តថា ករណីនេះ កើតឡើងដោយសារបុរសរងគ្រោះបានផឹកស្រាស្រវឹងនៅនឹងតូបអ្នកលក់ស្រានៅចុងភូមិ ពេលត្រឡប់មកផ្ទះវិញក៏រអិលដួលលង់ទឹកជំនន់នៅជិតមុខផ្ទះចម្ងាយប្រមាណ១៥ម៉ែត្រស្លាប់តែម្តង។
ក្រោយពីសមត្ថកិច្ចជំនាញពិនិត្យសាកសពរួច ក៏បានប្រគល់សពជូនក្រុមគ្រួសារយកទៅធ្វើបុណ្យតាមប្រពៃណី៕ស សារ៉េត
