សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ កម្លាំងនគរបាលការិយាល័យប្រឆាំងគ្រឿងញៀនខេត្តបាត់ដំបង បានចាប់បញ្ជូនជនសង្ស័យ៥នាក់ក្នុងនោះមានស្ត្រីម្នាក់ក្នុងករណីជួញដូររក្សាទុកគ្រឿងញៀនប្រភេទ ម៉ាទឹកកក៤ថង់ ម៉ូតូមួយគ្រឿងនិង សម្ភារពាក់ព័ន្ធមួយចំនួន កសាងសំណុំរឿងបញ្ជូនទៅតុលាការ ដើម្បីចាត់ការទៅតាមផ្លូវច្បាប់កាលពីថ្ងៃទី២៤ ខែតុលាឆ្នាំ២០២០ ម្សិលមិញនេះក្រោយបង្រ្កាបបាននៅចំណុចភូមិព្រៃផ្ដៅ ឃុំតាគ្រាម ស្រុកបាណន់ ខេត្តបាត់ដំបង។
មន្រ្តីនគរបាលខេត្តបាត់ដំបងបានឲ្យដឹងថាជនសង្ស័យ៥នាក់ ដែលចាប់ឃាត់ខ្លួន៖
ទី១- ឈ្មោះជេត ភារុណ ហៅជូច ភេទប្រុស អាយុ២៤ឆ្នាំ រស់នៅភូមិព្រៃផ្ដៅ ឃុំតាគ្រាម ស្រុកបាណន់ ខេត្តបាត់ដំបង។
ទី២- ឈ្មោះឈិន ចាន់ថន ហៅម៉ូវ ភេទប្រុស អាយុ៣៥ឆ្នាំ រស់នៅភូមិគ្រួស ឃុំជ្រៃ ស្រុកថ្មគោល ខេត្តបាត់ដំបង។
ទី៣- ឈ្មោះប៊ុន គឹមសាន ហៅហ៊ី ភេទប្រុស អាយុ២១ឆ្នាំ រស់នៅភូមិគ្រួស ឃុំអន្លង់រុន ស្រុកថ្មគោល ខេត្តបាត់ដំបង។
ទី៤- ឈ្មោះសៀង ហ៊ាន ភេទប្រុស អាយុ៣៣ឆ្នាំ រស់នៅភូមិសូភី ឃុំអន្លង់រុន ស្រុកថ្មគោល ខេត្តបាត់ដំបង។
ទី៥- ឈ្មោះម៉ង់ ម្លិះ ហៅយាយស្រូយ ភេទស្រី អាយុ១៧ឆ្នាំ រស់នៅភូមិអូរតាគី ឃុំអូរតាគី ស្រុកថ្មគោល ខេត្តបាត់ដំបង។
ប្រភពដដែលបានឲ្យដឹងទៀតថា ក្នុងប្រតិបត្តិការនេះ កម្លាំងដកហូតបានថ្នាំញៀនប្រភេទម៉ាទឹកកក៤ថង់ ម៉ូតូមួយគ្រឿង និងនិងសម្ភារពាក់ព័ន្ធមួយចំនួនទៀត។
ក្រោយឃាត់ខ្លួនជនសង្ស័យ៥នាក់ និងរឹបអូសវត្ថុតាងបានភ្លាមៗជាក់ស្ដែងកម្លាំងនគរបាលខេត្តបានកសាងសំណុំរឿងបញ្ជូនជនសង្ស័យនិងវត្ថុតាង ទៅសាលាដំបូងខេត្តបាត់ដំបងដើម្បីចាត់ការតាមច្បាប់ ៕ដោយ៖ប្រាថ្នា
