សារព័ត៌មាន នគរវត្ត តែងតែនាំមុខគេជានិច្ច
សមយទ្ធជាទ្រង់ទ្រាយធំរវាងកម្លាំងទាហានជប៉ុននឹងអាមេរិក ដោយមានយន្តហោះចម្បាំងដល់ទៅ១០០គ្រឿង និងក្រុមនាវាផ្ទុកយន្តហោះUSS Ronald Reagan ។ សមយុទ្ធត្រូវបានធ្វើឡើងនៅតំបន់សមុទ្រកោះអូគីណាវ៉ា ប្រទេសជប៉ុន។
សមយុទ្ធមានឈ្មោះថា Keen Sword 21 ចាប់ផ្តើមនៅថ្ងៃទី២៦ខែតុលា ដល់ធ្ងៃទី៥ខែវិច្ឆិកា នៅតំបន់សមុទ្រជិតកោះអូគីណាវ៉ា ។ ទាហានប្រទេសទាំងពីរដល់ទៅ ៤៦.០០០នាក់ចូលរួម ក្នុងនោះមាន ៩.០០០នាក់មកពីកម្លាំងទាហានជើងទឹក ជើងគោកនិងអាកាសអាមេរិក ដែលឈរជើងនៅក្នុងទឹកដីជប៉ុន។ ក្រៅពីនេះមានក្រុមនាវាផ្ទុកយន្តហោះដែលមានយន្តហោះចម្បាំងដល់ទៅ១០០គ្រឿងគ្រប់ប្រភេទ។
ក្រៅពីនេះនៅមានយន្តហោះទម្លាក់គ្រាប់បែកB-1B Lancer បានហោះហើរពីអាមេរិកសំដៅទៅជប៉ុនចូលរួមធ្វើសមយុទ្ធនោះផងដែរ។ គោលដៅក្នុងការធ្វើសមយុទ្ធនោះដើម្បីបង្កើនកិច្ចសហប្រតិបត្តិការប្រទេសទាំងពីរ និងការពារជប៉ុនពេលមានសង្គ្រាមវាយប្រហារកើតឡើង។
កន្លងមកនាវាវាយឡើងគោគUSS America បានធ្វើសមយុទ្ធ សហការ ជាមួយយន្តហោះចម្បាំង F-35A វាយឡើងគោកប្រកបដោយជោគជ័យ។ កាលពីខែកក្កដា កន្លងមក អាមេរិកបានអនុម័តលក់យន្តហោះចម្បាំងដល់ទៅ១០៥គ្រឿងប្រភេទ F-35 ឲ្យទៅជប៉ុនផងដែរ៕ដោយ៖ធី រីណា
