សារព័ត៌មាន នគរវត្ត តែងតែនាំមុខគេជានិច្ច
ការបោះឆ្នោតជ្រើសរើសប្រធានាធិបតីអាមេរិកឆ្នាំ២០២០នេះត្រូវបានវាយតម្លៃថាជាការចំណាយខ្ពស់បំផុតក្នុងប្រវត្តិសាស្ត្រការបោះឆ្នោត។ សរុបប្រាក់ចំណាយទាំងអស់មានដល់ទៅ១១ពាន់លានដុល្លារអាមេរិក។
តាមតួលេខស្តីពីការចំណាយសម្រាប់បោះឆ្នោតអាមេរិកនាពេលកន្លងមក មានដូចជា នៅឆ្នាំ២០០០ ប្រាក់ចំណាយទៅលើការបោះឆ្នោតមានតែ ៤,១ពាន់លានដុល្លារប៉ុណ្ណោះ ពេលនោះលោកប៊ូសជាប់ឆ្នោត។
ការបោះឆ្នោតឆ្នាំ២០០៤ ប្រាក់ចំណាយសរុប៥,៥ ពាន់លានដុល្លារ ហើយអតីតប្រធានាធិបតីប៊ូសបន្តជាប់ឆ្នោតអាណត្តិទីពីរ។
នៅឆ្នាំ២០០៨ ប្រាក់ចំណាយសម្រាប់ការបោះឆ្នោតក៏បានកើនឡើងដល់៦,៤ពាន់លានដុល្លារ ពេលនោះ លោកអូបាម៉ា ជាប់ឆ្នោតជាប្រធានាធិបតីអាមេរិក ។ នៅឆ្នាំ២០១២លោក អូបាម៉ាបន្តជាប់ឆ្នោតអាណត្តិទីពីរ ដែលពេលនោះមានប្រាក់ចំណាយសម្រាប់ការបោះឆ្នោតកើនឡើងដល់ ៧,១ពាន់លានដុល្លារ។
ដោយឡែកការបោះឆ្នោតនៅឆ្នាំ២០១៦ រវាងបេក្ខភាពប្រធានាធិបតីដូណាល់ ត្រាំ និងលោកស្រីហ៊ីលឡារី គ្លីនតុនមានប្រាក់ចំណាយសម្រាប់រៀបចំការបោះឆ្នោតមាន៧,២ពាន់លានដុល្លារ ។
ដោយឡែកប្រាក់ចំណាយសម្រាប់ការបោះឆ្នោត ឆ្នាំ២០២០ មានដល់ទៅ ១០,៩ពាន់លានដុល្លារ គឺជាចំនួនច្រើនលើសលប់ ដោយសារតែការឆ្លងរាលដាកកូវីដ-១៩ហើយពលរដ្ឋអាមេរិកត្រូវបោះឆ្នោតតាមរយៈប្រៃសណីយ៍ ទើបមានការចំណាយកើនឡើងខ្ពស់បែបនេះ ៕ដោយ៖ធី រីណា
