សារព័ត៌មាន នគរវត្ត តែងតែនាំមុខគេជានិច្ច
ខេត្តបន្ទាយមានជ័យ ៖ ប្តីប្រពន្ធបើកម៉ូតូឌុបគ្នាតាមផ្លូវត្រូវឆ្កែរត់បុកបណ្តាលឲ្យដួលម៉ូតូបោកក្បាលនឹងថ្នល់ប្តីស្លាប់ប្រពន្ធរងរបួសធ្ងន់។ហេតុការណ៍នេះបានកើតឡើងនៅម៉ោង៦និង៣០នាទីព្រឹកថ្ងៃទី១ ខែវិច្ឆិកា ឆ្នាំ២០២០ តាមបណ្តោយផ្លូវជាតិលេខ៥៦ ស្ថិតភូមិឯកភាព ឃុំគំរូ ស្រុកថ្មពួក ខេត្តបន្ទាយមានជ័យ។
សមត្ថកិច្ចបានឲ្យដឹងថា ជនរងគ្រោះមានឈ្មោះឡែ ចយ អាយុ៤៩ ឆ្នាំ(ប្តីស្លាប់) ចំណែកប្រពន្ធរបួសធ្ងន់ ឈ្មោះមាស នី អាយុ៥១ឆ្នាំ។
សមត្ថកិច្ចនគរបាលស្រុកថ្មពួកបានឲ្យដឹងថា ជនរងគ្រោះបានជិះម៉ូតូម៉ាកហុងដាសេ១២៥ ផ្លាកលេខ 1B-1622 បានឌុបប្រពន្ធត្រឡប់ពីទិញផ្លែឈើមកលក់ នៅសាលារៀន ហើយជិះម៉ូតូតាមបណ្តោយផ្លូវ ជាតិលេខ៥៦ ក្នុងល្បឿនលឿន ខណៈមកដល់កន្លែងកើតហេតុក៏មានឆ្កែរត់បុកពេញទំហឹង បណ្តាលដួលបោកក្បាលបណ្តាលឲ្យប្តីស្លាប់ភ្លាមៗនឹងកន្លែង ចំណែកប្រពន្ធរងរបួសធ្ងន់ត្រូវបានសង្គ្រោះបន្ទាន់។
បន្ទាប់ពីកើតហេតុសមត្ថកិច្ចនស្រុកថ្មពួកបានចុះមកដល់កន្លែងកើតហេតុ យកម៉ូតូជនរងគ្រោះទៅរក្សាទុក ចំណែកសពបានប្រគល់ឲ្យបងប្អូនយកទៅធ្វើបុណ្យតាមប្រពៃណី៕ជ្រោយពេជ្រ
