សារព័ត៌មាន នគរវត្ត តែងតែនាំមុខគេជានិច្ច
គណបក្សប្រជាធិបតេយ្យ និងសាធារណរដ្ឋ បានបញ្ជាក់ថា ពួកគេបានបញ្ជូនមេធាវីរាប់ពាន់នាក់របស់ខ្លួនទៅកាន់តុលាការ ដើម្បីដោះស្រាយបញ្ហាពាក់ព័ន្ធនឹងការបោះឆ្នោត និងធានាថាសន្លឹកឆ្នោតស្របច្បាប់ទាំងអស់។
សារព័ត៌មាន South China Morning Post នៅថ្ងៃទី ២ខែវិច្ឆិកា បានផ្សាយថា គណបក្សប្រជាធិបតេយ្យនិងគណបក្សសាធារណរដ្ឋ បានបញ្ជូនក្រុមមេធាវីរបស់ខ្លួនទៅកាន់តុលាការដើម្បីដោះស្រាយបញ្ហាពាក់ព័ន្ធនឹងការបោះឆ្នោត និងសន្លឹកឆ្នោតមិនស្របច្បាប់។
ចាប់តាំងពីការបោះឆ្នោតឆ្នាំ២០០០ មកទល់ពេលនេះលទ្ធផលចុងក្រោយ គឹជាការសម្រេចរបស់តុលាការកំពូលអាមេរិក។ ទាំងនោះហើយបានជាគណបក្សទាំងពីរជ្រើសរើសមេធាវីជាច្រើនបញ្ជូនទៅកាន់តុលាការកំពូលដើម្បីត្រៀមក្នុងពេលមានហេតុការណ៍អាក្រក់កើតឡើង ។
នៅក្នុងការបោះឆ្នោតឆ្នាំនេះ មានមនុស្សជាច្រើនសន្និដ្ឋានថា នឹងមាន «សង្គ្រាមផ្លូវច្បាប់»កើតឡើងរវាង គណបក្សទាំងពីរ។ ប្រសិនបើការបោះឆ្នោតមានការគាំទ្រគម្លាតពីគ្នាឆ្ងាយទើបមិនមានការប្រឈមមុខដាក់គ្នាតាមផ្លូវច្បាប់។
មកទល់ពេលនេះមានករណីប្តឹងដល់ទៅ៣០០ករណីហើយពាក់ព័ន្ធនឹងការបោះឆ្នោតនៅតាមបណ្តារដ្ឋក្នុងទឹកដីអាមេរិក ។ ជាមួយគ្នានោះដែរ មានករណីប្តឹងផ្តល់ពាក់ព័ន្ធ វិធានការបោះឆ្នោត ក្នុងពេលដែលអាមេរិកប្រឈមការឆ្លងកូវីដ-១៩ កាន់តែច្រើន៕ដោយ៖ធី រីណា
