សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ រថយន្តទំនេីបម៉ាកសុីណា មួយគ្រឿងបានបេីកបុកបង្គោលភ្លេីងបំភ្លឺផ្លូវនៅជាប់ច្រកចូលបុរីវីឡា ទួលសង្កែ បាក់អស់មួយដេីម កាលពីវេលាម៉ោងជាង១២រំលងអធ្រាត្រ ឈានចូលថ្ងៃទី៥ ខែវិច្ឆិកា ឆ្នាំ២០២០ នៅតាមបណ្ដោយផ្លូវបេតុង ក្នុងសង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ ។
យោងតាមប្រភពព័ត៌មានពីកន្លែងកេីតហេតុបានឲ្យដឹងថា ដំបូងគេឃេីញរថយន្តបង្កម៉ាក Sienna ពណ៌ស ពាក់ស្លាកលេខភ្នំពេញ 2AF-1925 បេីកបរដោយបុរសម្នាក់ធ្វេីដំណេីរតាមបណ្ដោយផ្លូវបេតុងខាងក្រោយទីលានវាយកូនហ្គោល ក្នុងទិសដៅពីត្បូងទៅជេីងដោយល្បឿនលឿន ខណៈមកដល់ចំណុចកេីតហេតុក៏រេចង្កូតទៅបុកបង្គោលភ្លេីងបំភ្លឺផ្លូវនៅជាប់នឹងច្រកចូលបុរីវីឡាទួលសង្កែ បណ្ដាលឲ្យទ្រេតមកលេីរបងបុរី រីឯរថយន្តបង្កបានបែកកង់និងរងការខូចខាតយ៉ាងដំណំ តែមិនធ្វេីឲ្យនរណាម្នាក់រងរបួសនោះឡេីយ ។
ក្រោយកេីតហេតុភ្លាមៗ សមត្ថកិច្ចមូលដ្ឋាននិងជំនាញចរាចរណ៍ខណ្ឌឫស្សីកែវ បានចុះមកដល់កន្លែងកេីតហេតុដែរ តែដោយសារបង្គោលភ្លេីងបំភ្លឺផ្លូវខាងលេីគឺជាកម្មសិទ្ធិរបស់ឯកជន ទេីបភាគីរថយន្តបង្កបានសម្របសម្រួលជាមួយភាគីបុរីវីឡា ទួលសង្កែ បញ្ចប់រឿងនៅកន្លែងកេីតហេតុ រីឯសមត្ថកិច្ចក៏បានដកកម្លាំងវិលត្រឡប់ទៅគោលដៅវិញរៀងៗខ្លួន ៕
ដោយ ៖ ភារ៉ា ដង្កោ
