សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ក្រុមជនសង្ស័យប្រុសស្រីជាងដប់នាក់ប្រដាប់ដោយដំបងនិងដុំថ្មបានស្ទាក់វាយប្លន់បុរសជនជាតិឥណ្ឌាម្នាក់ ខណៈដែលគាត់កំពុងរុញរទេះដើរលក់នំរ៉ូទីយកលុយអស់រលីងនិងពងទាជិត១០០គ្រាប់រួចរត់គេចខ្លួនបាត់ស្រមោល។
ហេតុការណ៍នេះបានកើតឡើងកាលវេលាម៉ោង៨និង៣០នាទីយប់ ថ្ងៃទី៦ ខែវិច្ឆិកា ឆ្នាំ២០២០ ស្ថិតនៅតាមបណ្ឌោយផ្លូវលេខ២១៧ ត្រង់ចំណុចមុខវត្តស្ទឹងមានជ័យក្នុងសង្កាត់ស្ទឹងមានជ័យ១ ខណ្ឌមានជ័យ ។
យោងតាមប្រភពពីជនរងគ្រោះបានប្រាប់ឲ្យដឹងថា មុនពេលកើតហេតុ រូបគាត់បានរុញរទេះដើរលក់នំរ៉ូទីតាមបណ្ដោយផ្លូវលេខ២១៧ពីកើតទៅលិចក្នុងគោលបំណងទៅផ្ទះជួលនៅម្ដុំលូប្រាំ។ លុះមកដល់ចំណុចកើតហេតុខាងលើ ស្រាប់តែលេចមុខជនសង្ស័យប្រុសស្រីជាងដប់នាក់ប្រដាប់ដោយដំបងនិងដុំថ្មបានធ្វើសកម្មភាពវាយមកលើរូបគាត់ប្លន់យកលុយអស់៣៨ម៉ឺនរៀល ពងទាជិត១០០គ្រាប់និងសម្ភារមួយចំនួនទៀត។ ក្រោយធ្វើសម្មភាពវាយប្លន់បានហើយពួកជនទាំងនោះបានរត់គេចខ្លួនដោយសុវត្ថិភាពមិនរំខានដល់សមត្ថកិច្ចឡើយ។
ក្រោយកើតហេតុជនរងគ្រោបានទៅដាក់ពាក្យបណ្ដឹងនៅប៉ុស្តិ៍រដ្ឋបាលស្ទឹងមាន១ដែរ តែដោយសារ
បុរសជនជាតិឥណ្ឌានេះចេះភាសាខ្មែរតិចតួចនោះទេីបសមត្ថកិច្ចបានប្រាប់ថាចាំព្រឹកឡើងសឹមមកដាក់ពាក្យបណ្ដឹង៕
ដោយ៖ ភារ៉ា ដង្កោ
