សារព័ត៌មាន នគរវត្ត តែងតែនាំមុខគេជានិច្ច
អន្តរជាតិ៖ ប្រទេសចិន បានបាញ់បង្ហោះ«ផ្កាយរណប 6G ដំបូងបង្អស់របស់ពិភពលោក» ទៅក្នុងលំហ ដើម្បីសាកល្បងបច្ចេកវិទ្យា ដោយជោគជ័យ។ បន្ទាប់ពីវាបានចូលទៅក្នុងគន្លងគោចរ រួមជាមួយផ្កាយរណប១២ផ្សេងទៀត មកពីមជ្ឈមណ្ឌលបាញ់បង្ហោះផ្កាយរណប Taiyuan Satellite Launch Center នៅក្នុងខេត្តសានស៊ី។
សូមជម្រាបថា ឧស្សាហកម្មទូរគមនាគមន៍ នៅតែមានរយៈពេលជាច្រើនឆ្នាំទៀត ពីការយល់ព្រមលើលក្ខណៈពិសេសរបស់ 6G ដូច្នេះមិនទាន់ប្រាកដថា បច្ចេកវិទ្យាដែលត្រូវបានសាកល្បងនឹងក្លាយជាលក្ខណៈស្ដង់ដារ នៅលើកក្រោយនោះទេ។
គួរបញ្ជាក់ថា ផ្កាយរណបនេះផ្ទុកនូវបច្ចេកវិទ្យា ដែលនឹងត្រូវបានប្រើសម្រាប់ការត្រួតពិនិត្យគ្រោះមហន្តរាយលើដំណាំ និងការការពារលើបញ្ហាភ្លើងឆេះព្រៃ។ ព្រោះវាពាក់ព័ន្ធនឹងការប្រើប្រាស់រលកតេរ៉ាហឺត ដែលមានប្រេកង់ខ្ពស់ ដើម្បីសម្រេចបាននូវល្បឿនបញ្ជូនទិន្នន័យ ខ្លាំងជាងប្រព័ន្ធ 5G ជាច្រើនដង ដែលនោះជាសមត្ថភាពរបស់វា៕
ដោយ៖ស តារា
