សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បច្ចុប្បន្ននេះយើងសង្កេតឃើញថា ការលក់ដូរតាមអនឡាញរបស់អាជីវកម្មភាគច្រើន បានផ្លាស់ប្តូរមកធ្វើការផ្សព្វផ្សាយ និងចែកចាយលើ បណ្តាញសង្គមវិញ ដោយសារនេះជាតម្រូវ ការរបស់អតិថិជនភាគច្រើន។ដូច្នេះហើយ សម្រាប់អតិថិជនទូទៅ មានភាពងាយស្រួល កាន់តែខ្លាំង នៅពេលដែល ចង់ញុំាឬ ចង់ទិញសម្ភារៈប្រើប្រាស់ អ្វីមួយបើមិនចង់ ចំណាយពេលវេលា ទៅផ្សារទិញទេ អាចធ្វើការកម្មង់ តាមOnlineបាន ក្នុងនោះក៏មាននៅ សេវាកម្មដឹកជញ្ជូន ដល់កន្លែងថែមទៀត កាន់តែងាយស្រួល។
ជាក់ស្តែងបើអាចនិយាយបានថា៖ សម័យនេះ គឺជាសម័យនៃបច្ចេកវិទ្យា ដែលមនុស្សស្ទើរគ្រប់គ្នាទៅហើយចូលចិត្តប្រើប្រាស់អ្វីទំនើបជាងមុនច្រើន មិនថាសម្ភារៈប្រើប្រាស់ ប្រចាំថ្ងៃក្នុងផ្ទះ ឬក៏ប្រព័ន្ធអេឡិចត្រូនិចផ្សេងៗនោះទេ ។ និយាយឲ្យចំវាបានសម្រួលដល់ភាពនឿយហត់ បង្កើនភាពងាយស្រួលនិង ជួយចំណេញពេលឲ្យអ្នកបានដល់មួយភាគធំឯណ្ណោះ ។
រូបតំណាង
ក៏ប៉ុន្តែ ស្របពេលដែល អាជីវកម្មអនឡាញ ជាទីផ្សារធំទូលាយ និងបើចំហរមួយ ដែលមនុស្សភាគច្រើន តែងតែចំណាយពេល ទៅលើវានោះ គេក៏សង្កេតឃើញថា ខាងផ្នែកសីលធម៌នៃ អ្នកលក់និង អ្នកទិញក៏កាន់តែ ធ្លាក់ចុះដូចគ្នាដែរ។ សម្រាប់បុគ្គលជោគជ័យ ពិតប្រាកដដែលមានឈ្មោះល្បីៗលើពិភពលោក គេបានឲ្យនិយមន័យលើ ការលក់ដូរថា អតិថិជនជាស្តេចហេតុដូច្នេះសេ្តច ធ្វើអ្វីក៏មិនអាចខុសដែរ។
នេះមានន័យថា ក្នុងនាមអ្នកជា អ្នកលក់ត្រូវប្រើភាសា ឲ្យពិរោះពិសារ ជាមួយភ្ញៀវ សា្វគមន៍ និងទទួលភ្ញៀវដោយ ភាពកក់ក្តៅ ព្រោះនៅពេលដែលអ្នកបម្រើសេវាកម្មដល់ អតិថិជនរបស់ អ្នកបានល្អ នោះអ្នកនឹងមិនចាំបាច់ហត់នឿយធ្វើ ការផ្សព្វផ្សាយច្រើននោះទេ តែអតិថិជនម្នាក់នោះនឹង ក្លាយខ្លួនទៅជា អ្នកផ្សព្វផ្សាយ ឲ្យហាងអ្នកដោយខ្លួនឯង ទៅកាន់មិត្តភក្តិ អ្នករួមការងារ និងសាច់ញាត្តិរបស់គេ អំពីសេវាកម្មដ៏ល្អរបស់ ហាងអ្នកដោយឯកឯង។
រូបតំណាង
ក៏ប៉ុន្តែ ចំណុចនេះមិនមែន មានន័យថា ឲ្យអ្នកត្រូវអត់ធ្មត់ គ្រប់យ៉ាង ទោះបីភ្ញៀវធ្វើហួសហេតុ ខ្លាំងនោះដែរ។ តែក្នុងនាមជា អ្នកលក់ត្រូវមាន ចិត្តអំណត់ឲ្យធ្ងន់បន្តិច ព្រោះគេមានលុយ យកមកទិញ របស់ពីអ្នក ហើយអ្នកត្រូវការគេតែបើបញ្ហា មិនអាចជៀសបាន ត្រូវធ្វើការដោះស្រាយ ដោយសតិមិនមែន ដោយខ្លៅនោះទេ។
រូបតំណាង
សរុបមកការស្រែក ជេរប្រមាថទៅកាន់ អតិថិជន និងជាពិសេស ការដែលមិនទទួលយក នៅពាក្យរិះគន់ ពីអតិថិជន ហើយបែរជា យកមកតបត លើបណ្តាញសង្គមវិញនេះ គឺហាក់ប្រៀបដូចជា អ្នកកំពុងតែរៀបឥដ្ឋ មកបិទផ្លូវអាជីវកម្ម របស់អ្នកដូចគ្នាដែរ។ ព្រោះអ្នកបាន បង្ហាញពីអត្តចរឹកពិត របស់អ្នកឲ្យអតិថិជនដទៃទៀត បានឃើញនិងបានដឹង។ នៅពេលដែល អ្នកបង្ហាញពីភាពមិនល្អរបស់ អ្នកកាន់តែច្រើន ការទុកចិត្តនិងជំនឿដែល អតិថិជនធ្លាប់មាន មកលើអ្នកក៏នឹងត្រូវ បាត់បង់ម្តងបន្តិចៗ ដូចគ្នាដែរ។
រូបតំណាង
អ្នកត្រូវដឹងថា នេះជាសវទី២១ ជាសម័យនៃទីផ្សារសេរី អតិថិជនមានជម្រើសច្រើនណាស់ ក្នុងការជ្រើសរើស ហើយប្រសិន បើផលិតផលគេល្អ ប្រហាក់ប្រហែលអ្នក ឬក៏បើទោះបី ពេលខ្លះផលិតផល គេអន់ជាងអ្នកបន្តិចក៏ដោយ តែបើការបម្រើសេវាកម្មរបស់ គេល្អជាងអ្នក នោះអតិថិជន របស់អ្នកនឹងរត់ទៅកន្លែងគេ ដោយខ្លួនឯង ហើយពេលនោះ ភាពខ្លាំង និងអំនួត ដែលអ្នកធ្លាប់តែមាន លើខ្លួនឯង ទុកអតិថិជនដូចជាសម្រាមនោះ ក៏នឹងលេងមានទៀតដែរ៕ដោយ៖សហការី
