សារព័ត៌មាន នគរវត្ត តែងតែនាំមុខគេជានិច្ច
គណៈកម្មការសហព័ន្ធបាល់ទាត់ទ្វីបអឺរ៉ុបបាននិយាយថា UEFA បានត្រួតពិនិត្យការធ្វើតេស្តចំនួន ៦១,៨៥៩ដងនៃការធ្វើតេស្តរកជំងឺកូវីដ–១៩ ចាប់តាំងពីខែសីហាដែលអនុញ្ញាតឱ្យមានការប្រកួតនៅតំបន់អឺរ៉ុបជាង៥០០ និងធ្វើឱ្យបាល់ទាត់ក្លាយជាបរិស្ថានមួយដែលមានសុវត្ថិភាពបំផុតនៅលើពិភពលោក។
ស្ថាប័នបាល់ទាត់ទ្វីបអឺរ៉ុបដែលរងការរិះគន់ពីប្រព័ន្ធផ្សព្វផ្សាយមួយចំនួនចំពោះការឈានមុខគេជាមួយបាល់ទាត់អន្តរជាតិអំឡុងពេលមានជំងឺរាតត្បាតកូវីដ-១៩បានអះអាងថា មានតែការសាកល្បងចំនួន៣៤០នាក់ប៉ុណ្ណោះដែលវិជ្ជមានគឺ០,៥៥ភាគរយនៃចំនួនសរុបហើយមានតែ៣ភាគរយប៉ុណ្ណោះនៃការប្រកួតត្រូវបានលុបចោល។
ប្រធាន UEFA លោក Aleksander Ceferin មានប្រសាសន៍ថា “ ពិធីសារដែលយើងបានដាក់ឱ្យអនុវត្តគឺមានភាពរឹងមាំ និងធានាសុវត្ថិភាពដល់អ្នកដែលពាក់ព័ន្ធទាំងអស់ សូម្បីតែក្នុងគ្រាលំបាកនេះនៅពេលដែលជំងឺរាតត្បាតកូវីដ-១៩កំពុងរីកសាយពាសពេញទ្វីបក៏ដោយ។ វាផ្តល់ឱ្យយើងនូវទំនុកចិត្តថាការប្រកួតប្រជែងរបស់យើងនឹងត្រូវបានលេងដូចដែលបានគ្រោងទុក។ វាជាការផ្តល់កិត្តិយសដល់អ្នកដែលពាក់ព័ន្ធហើយវាបង្ហាញថាការប្រកួតអាចត្រូវបានលេងដោយសុវត្ថិភាព”។
UEFA បានបង្ហាញរបាយការណ៍ថា ចាប់តាំងពីខែសីហា មានការរៀបចំការប្រកួតនៅក្នុងការប្រកួតចំនួន៨រួមមាន ពានរង្វាន់ Champions League, Europa League, Women’s Champions League, Youth League, Nations League, Euro playoffs អាយុក្រោម២១ ឆ្នាំនិងវគ្គជម្រុះយូរ៉ូរបស់ស្ត្រី ៕ដោយ៖ភារៈ
