សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់ជិះម៉ូតូម្នាក់ឯងខ្វះការប្រុងប្រយ័ត្ន រអិលដីខ្សាច់បណ្តាលឱ្យដួលនៅមុខរថយន្តធុនធំកិនចំក្បាលស្លាប់នៅកន្លែងកើតហេតុភ្លាមៗ។
ហេតុការណ៍ដ៏រន្ធត់នេះ បានកេីតឡេីងនៅវេលាម៉ោង៣រសៀល ថ្ងៃទី១១ ខែវិច្ឆិកា ឆ្នាំ២០២០ ស្ថិតនៅតាមបណ្ដោយមហាវិថីវិមានឈ្នះ=ឈ្នះ ក្នុងសង្កាត់គោករកា ខណ្ឌព្រែកព្នៅ រាជធានីភ្នំពេញ។
ជនរងគ្រោះដែលបានបាត់បង់ជីវិតមានឈ្មោះ ហេង វិបុល អាយុ២៨ឆ្នាំ មានស្រុកកំណេីតនៅភូមិអំពិលទឹក ស្រុកកំពង់ត្រឡាច ខេត្តកំពងឆ្នាំង។
តាមប្រភពព័ត៌មានពីកន្លែងកេីតហេតុ បានប្រាប់ឱ្យដឹងថា មុនពេលកេីតហេតុ គេឃេីញជងរងគ្រោះជិះម៉ូតូមួយគ្រឿងម៉ាកហុងដាឌ្រីម C125 ស៊េរីឆ្នាំ2016 ពណ៌ខ្មៅ ពាក់ស្លាកលេខ ភ្នំពេញ1GA-2754 ធ្វើដំណើរតាមបណ្តោយមហាវិថី ឈ្នះ=ឈ្នះ ក្នុងទិសដៅពីកេីតទៅលិចដោយប្រើល្បឿនលឿន លុះមកដល់ត្រង់ចំណុចកេីតហេតុក៏រអិលដីខ្សាច់បណ្ដាលឲ្យដួលបោកទៅនឹងថ្នល់ ស្របពេលជនរងគ្រោះដេកដួលក៏មានរថយន្តដឹកដីមិនចាំម៉ាកនិងស្លាកលេខ មកពីក្រោយកិនចំក្បាលបណ្ដាលឱ្យបែកក្បាលធ្លាយខួរស្លាប់ភ្លាមៗ ចំណែករថយន្តបង្កបើកគេចខ្លួនបាត់ស្រមោល។
ក្រោយកេីតហេតុសមត្ថកិច្ចមូលដ្ឋានរួមជាមួយកម្លាំងសមត្ថកិច្ចជំនាញ បានមកដល់ចំណុចកើតហេតុ រួចវាស់វែងយកម៉ូតូទៅរក្សាទុក និងទំនាក់ទំនងទៅសាច់ញាតិមកទទួលយកសពទៅធ្វេីបុណ្យនៅស្រុកកំណេីតតាមប្រពៃណី៕ដោយ៖រ៉ារ៉ា
