សារព័ត៌មាន នគរវត្ត តែងតែនាំមុខគេជានិច្ច
រដ្ឋាភិបាលCôte d’Ivoire កាលពីថ្ងៃទី១១ខែវិច្ឆិកា បានប្រកាសថាមានមនុស្សដល់ទៅ៨៥នាក់ស្លាប់ ក្នុងអំពើហិង្សាក្រោយការបោះឆ្នោតកាលពីថ្ងៃទី៣១ខែតុលា ។
ការប្រកាសព័ត៌មានខាងលើ គឺមុនពេលជំនួបពិភាក្សារវាងប្រធានាធិបតីAlassane Ouattara និងមេដឹកនាំគណបក្សប្រឆាំងដើម្បីដោះស្រាយវិវាទនយោបាយ។ ចំនួនអ្នកស្លាប់និងរបួសកើនឡើងទ្វេដងលើសពីការការព្យាករនាពេលដំបូង។
អ្នកនាំពាក្យរដ្ឋាភិបាល កូតឌឺវ័រ លោក Sidi Toure បានចោទប្រកាន់គណបក្សប្រឆាំងជាដើមហេតុដែលនាំឱ្យមានការបង្ហូរឈាម ។ ការដឹកនាំធ្វើបាតុកម្ម របស់ក្រុមប្រឆាំងបានត្រឹមតែធ្វើឲ្យប្រទេសជាតិធ្លាក់ក្នុងស្ថានភាពជាប់គាំងតែប៉ុណ្ណោះ មិនអាចដោះស្រាយបានឡើយ។
កូតឌឺវ័រអាចធ្លាក់ក្នុងស្ថានភាពសង្គ្រាមស៊ីវិល ដូចកាលពីបោះឆ្នោតឆ្នាំ២០១០ បណ្តាលឲ្យមានមនុស្ស ៣ពាន់នាក់ស្លាប់ ពាក់ព័ន្ធអំពើហិង្សាជាតិសាសន៍។
នៅថ្ងៃទី១១ខែវិច្ឆិកា ប្រធានាធិបតី Ouattara បានជួបពិភាក្សាជាមួយបេក្ខភាពប្រធានាធិបតី មកពីគណបក្សប្រឆាំង លោក Henri Bedie ពិភាក្សាស្តីពីភាពជាប់គាំងនយោបាយ ដើម្បីបង្កើតរដ្ឋាភិបាលថ្មី ប្រកបដោយសន្តិភាព៕ដោយ៖ធី រីណា
