សារព័ត៌មាន នគរវត្ត តែងតែនាំមុខគេជានិច្ច
សភាអាល្លឺម៉ង់ កន្លងមកបានប្រឈមនឹងបញ្ហាក្រោយក្រុមបាតុករថៃស្នើឲ្យក្រសួងការបរទេសអាល្លឺម៉ង់បង្ហាញរបាយការណ៍ស្តីពី ព្រះរាជសកម្មភាពរបស់ព្រះមហាក្សត្រ Maha Vajiralongkorn ពេលគង់នៅប្រទេសអាល្លឺម៉ង់។ ចាប់តាំងពីឡើងគ្រងរាជ្យនៅឆ្នាំ២០១៦ ព្រះមហាក្សត្រMaha Vajiralongkorn ចំណាយពេលភាគច្រើនគង់នៅក្នុងទឹកដីអាល្លឺម៉ង់ ។
កាលពីថ្ងៃទី២៦ខែតុលាក្រុមបាតុករថៃបានផ្ញើលិខិតទៅកាន់ស្ថានទូតអាល្លឺម៉ង់ ស្នើឲ្យផ្តល់ព័ត៌មានស្តីពីព្រះរាជសកម្មភាពរបស់ព្រះមហាក្សត្រពេលគង់នៅអាល្លឺម៉ង់ ។ ក្រុមបាតុករមានបំណងចង់បញ្ជាក់ថា តើព្រះអង្គបានចូលរួមគ្រប់គ្រងប្រទេសជាតិដែរឬទេ។
ក្រុមបាតុករចង់ដឹងថា តើព្រះមហាក្សត្រMaha Vajiralongkorn ឬក្រុមការងាររបស់ព្រះអង្គបានបំពានច្បាប់ដែរឬទេ ក្រោយពីមានព័ត៌មានថា ក្រុមជំនួយការរបស់ព្រះអង្គបានបំពានច្បាប់ស្តីពីសុវត្ថិភាពប្រឆាំងកូវីដ-១៩ នៅអាល្លឺម៉ង់។
មកទល់ពេលនេះរដ្ឋាភិបាលអាល្លឺម៉ង់រកមិនឃើញថាព្រះមហាក្សត្រមានធ្វើអ្វីខុសច្បាប់នោះឡើយ។ ក្រសួងការបរទេសអាល្លឺម៉ង់ សង្ឃឹមថា ព្រះមហាក្សត្រថៃនឹងមិនបានធ្វើអ្វីខុសច្បាប់នៅលើទឹកដីអាល្លឺម៉ង់ឡើយ៕ដោយ៖ធី រីណា
