សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ប្រជាពលរដ្ឋបានប្រទះឃេីញសពបុរសម្នាក់ចងកសម្លាប់ខ្លួនជាប់នឹងដេីមប្រេងខ្យល់បង្កការភ្ញាក់ផ្អេីលកាលពីវេលាម៉ោង១និង៣០នាទីរសៀលថ្ងៃទី៦ខែធ្នូឆ្នាំ២០២០ នៅចំណុចរបងវត្តតាំងកសាងខាងជេីង ក្នុងភូមិចំការឪឡឹក២ សង្កាត់កាកាបទី២ ខណ្ឌពោធិ៍សែនជ័យ ។
ជនរងគ្រោះគេមិនស្គាល់អត្តសញ្ញាណទេ ភេទប្រុស អាយុប្រហែល២០ឆ្នាំជាង ពាក់អាវយឺតដៃខ្លីពណ៌ក្រហម ស្លៀកខោខូវប៊យជេីងវែង ដោយយកក្រមាចងកសម្លាប់ខ្លួនជាប់នឹងដេីមប្រេងខ្យល់។
ប្រភពព័ត៌មានពីកន្លែងកេីតហេតុបានឲ្យដឹងថា មុនពេលកេីតហេតុខណៈប្រជាពលរដ្ឋធ្វេីដំណេីរឆ្លងកាត់ទីនោះស្រាប់តែឃេីញសពជនរងគ្រោះចងកសម្លាប់ខ្លួនជាប់នឹងដេីមប្រេងខ្យល់ស្លាប់បាត់ទៅហេីយ ទេីបបង្កការភ្ញាក់ផ្អេីលនិងរាយការណ៍ទៅសមត្ថកិច្ចមូលដ្ឋានចុះមកពិនិត្យជាក់ស្តែង។
ក្រោយកេីតហេតុសមត្ថកិច្ចមូលដ្ឋានបានសហការជាមួយមន្ត្រីជំនាញកោសល្យវិច័យចុះមកពិនិត្យជាក់ស្តែងនិងស្វែងរកសាច់ញាតិមកទទួលយកទៅធ្វេីបុណ្យតាមប្រពៃណី៕
ដោយ៖ សុខាសែនជ័យ
