សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យុវជនម្នាក់ដោយសារតែប្រេីប្រាស់គ្រឿងញៀនជាប្រចាំនោះធ្វើឱ្យលែងស្គាល់ឪពុកម្តាយ ហើយវាយបំផ្លាញទ្រព្យសម្បត្តិក្នុងផ្ទះ ដេីររករឿងគេឯងទេីបម្តាយទ្រាំលែងបានសម្រេចចិត្តទៅប្តឹងសមត្ថកិច្ចឱ្យឃាត់ខ្លួនកូនញៀនថ្នាំនេះកាលពីវេលាម៉ោង៨និង៣០នាទីព្រឹកថ្ងៃទី០៩ ខែធ្នូ ឆ្នាំ២០២០ នៅភូមិព្រៃទា សង្កាត់ចោមចៅទី៣ ខណ្ឌពោធិ៍សែនជ័យ។
ជនសង្ស័យឈ្មោះឡូត ប៊ុនថុន ភេទប្រុសអាយុ១៧ឆ្នាំ មុខរបរមិនពិតប្រាកដ ស្នាក់នៅភូមិព្រៃទា២ សង្កាត់ចោមចៅទី៣ ខណ្ឌពោធិ៍សែនជ័យ។
តាមប្រភពព័ត៌មានបានឲ្យដឹងថា ស្ទេីរជារៀងរាល់ថ្ងៃយុវជនខាងលេីតែងតែបង្កអុកឡុកក្នុងគ្រួសារ វាយបំផ្លាញទ្រព្យសម្បត្តិនិងរករឿងគេឯង ព្រោះតែឥទ្ធិពលនៃគ្រឿងញៀន។ លុះមកដល់ថ្ងៃកេីតហេតុដោយទ្រាំនិឹងទង្វេីរបស់កូនលែងបានទេីបម្តាយទៅប្តឹងសមត្ថកិច្ចសុំឱ្យឃាត់ខ្លួនកូនយកទៅសួរនាំតែម្តង។
នៅមុខសមត្ថកិច្ចជនសង្ស័យបានសារភាពថា ខ្លួនបានប្រេីប្រាស់គ្រឿងញៀនអស់រយៈពេល៦ឆ្នាំមកហេីយ។
បច្ចុប្បន្នជនសង្ស័យត្រូវបានសមត្ថកិច្ចកសាងសំណុំរឿងបញ្ជូនទៅផ្នែកព្រហ្មទណ្ឌដេីម្បីចាត់ការបន្ត៕
ដោយ៖ សុខាសែនជ័យ
