សារព័ត៌មាន នគរវត្ត តែងតែនាំមុខគេជានិច្ច
ខេត្តសៀមរាប៖ មានឧបទ្ទវហេតុគ្រោះថ្នាក់ចរាចរណ៍មួយបណ្តាលឲ្យបុរសជាអ្នកបើកបររថយន្តម៉ាកម៉ាស្ដា( mazda ) ពណ៌ត្រេអ៊ី ពាក់ស្លាកលេខ ខ.ម បានស្លាប់ភ្លាមៗ នៅនឹងកន្លែងកើតហេតុ ខណ:បើករថយន្ត បុករថយន្តកែច្នៃ ដែលបើកបរបញ្ច្រាសទិសគ្នានៅរសៀល ថ្ងៃទី៩ ខែធ្នូ ឆ្នាំ២០២០ ត្រង់ចំណុចអូរថ្មដាប់ ក្នុងភូមិបឹងមាលា ឃុំបឹងមាលា ស្រុកស្វាយលើ ខេត្តសៀមរាប។
មន្រ្តីនគរបាលចរាចរណ៍ ស្រុកស្វាយលើ បានឲ្យដឹងថា រថយន្តម៉ាក mazda ពណ៌ត្រេអ៊ី ពាក់ស្លាកលេខ ខេមរភូមិន្ទ ២ ៨០៦៥ បើកបរដោយឈ្មោះ ព្រឹក រ៉ែម ភេទ ប្រុស អាយុ ៣៩ ឆ្នាំ រស់នៅភូមិបន្ទាយស្រី ឃុំខ្នារសណ្តាយ ស្រុកបន្ទាយស្រី ខេត្តសៀមរាប។ រថយន្តនេះបើកបរពីទិសខាងកើត ទៅទិសខាងលិច ។ រីឯរថយន្តច្នៃ គ្មានស្លាកលេខ បើកបរបញ្ច្រាសទិសគ្នា បានបុកជាមួយរថយន្ត mazda នេះបណ្តាលឲ្យអ្នកបើកបររថយន្ត បាបានស្លាប់នៅក្នុងកាប៊ីនរថយន្តយ៉ាងអាណោចអាធ័មតែម្តង។ ចំណែក អ្នកបើកបរ រថយន្តច្នៃ គេចខ្លួនបាត់ដែលមកដល់ពេលនេះសមត្ថកិច្ចជំនាញកំពុងស្រាវជ្រាវរកម្ចាស់រថយន្តច្នៃឲ្យមកទទួលខុសត្រូវក្នុងករណីនេះ៕
ដោយ÷ប្រាថ្នា
