សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ យោងតាមបណ្ដាញសង្គមមួយមានឈ្មោះថា (ស៊ែរមួយចែកគ្នាមើល)បានបង្ហោះវីដេអូ ស្តីពីករណីជម្លោះរឿងចាក់បេតុងមុខផ្ទះខ្ពស់ជាងគ្នា ខាងណាខុស ខាងណាត្រូវ? ហេតុការណ៍នេះបានកើតឡើងនៅវេលាម៉ោង៥៖៣០នាទី ថ្ងៃទី៩ ខែធ្នូ ឆ្នាំ២០២០ នៅភូមិកណ្ដាល សង្កាត់រលួស ខណ្ឌដង្កោ រាជធានីភ្នំពេញ ហេីយភ្លាមៗក៏ត្រូវបានលោកនាយប៉ុស្ដិ៍នគរបាលរដ្ឋបាល រលួស បានអញ្ចេីញភាគីទាំងពីរមកសម្របសម្រួលគ្នា ក៏ប៉ុន្តែភាគីទាំងពីរមិនសះជាគ្នានោះទេ ទេីបនៅព្រឹកថ្ងៃទី១០ ខែធ្នូ ឆ្នាំ២០២០ សមត្ថកិច្ចបានអញ្ចេីញភាគីទាំងពីរមកសម្របសម្រួលគ្នាម្ដងទៀតនៅតែមិនសះជាគ្នា រហូតដល់នគរបាលប៉ុស្ដិ៍រដ្ឋបាលរលួសកសាងសំណុំរឿងបញ្ចូនទៅអធិការដ្ឋាននគរបាលខណ្ឌដង្កោដេីម្បីដោះស្រាយបន្ត ទៀត។
ជាមួយគ្នានោះ លោកស្រី គឹម ញឹប អភិបាលខណ្ឌដង្កោ បានផ្ញេីសារតបប្រាប់ក្រុមការងារកាសែតនគរវត្តយេីងតាមរយៈ Telegram មកថា ករណីនេះ រដ្ឋបាលខណ្ឌបានចុះណែនាំនិងធ្វេីកំណត់ហេតុផ្អាកការចាក់សាបរំលោភផ្លូវសាធារណៈនិងឱ្យរុះរេីចេញវិញ ហើយភាគីម្ចាស់សំណង់ក៏បានឯកភាពយល់ព្រមរុះរេីវិញ ដែរ និងរដ្ឋបាលខណ្ឌបានចេញសេចក្តីជូនដំណឹងដល់សាធារណជនបានជ្រាបផងដែរ។ ដោយឡែកទាក់ទងនឹងទំនាស់បង្ករបួសស្នាម ប៉ុស្តិ៍នគរបាលរដ្ឋបាលរលួសកំពុងបន្តនីតិវិធីដូចខាងលេី ៕ ដោយ៖ ភារ៉ា ដង្កោ
