ទៀតហើយគ្រឿងញៀនឆ្លងដែន ចូលពីថៃមកកម្ពុជា៥០គីឡូក្រាម ត្រូវសមត្ថកិច្ចបង្ក្រាបនិងឃាត់ខ្លួនបុរសជនជាតិថៃម្នាក់

ភ្នំពេញ៖ គ្រឿងញៀនឆ្លងដែន ចូលពីថៃមកកម្ពុជា៥០គីឡូក្រាម ត្រូវសមត្ថកិច្ចការិយាល័យ(ក៩)មន្ទីរបង្ក្រាបគ្រឿងញៀនបង្ក្រាបបានកាលពីថ្ងៃទី៦ ខែធ្នូ ឆ្នាំ២០២០ វេលាម៉ោង ២:៤០នាទីជិតភ្លឺ ។ក្រោមការដឹកនាំពីលោកឧត្តមសេនីយ៍ត្រី យិន បញ្ញារិទ្ធ នាយករងមន្ទីរ និង លោកវរសេនីយ៍ឯក ដុស សុវឌ្ឍន: នាយការិយាល័យ ព្រមទាំងមានការសម្របសម្រួល ពីលោក អ៊ុំ សុភ័ក្តិ ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បានបើកការស៊ើបអង្កេត ស្រាវជ្រាវ បង្ក្រាបករណីជួញដូរគ្រឿងញៀនឆ្លងដែន ចូលពីថៃមកកម្ពុជា នៅចំណុចក្បែរ វិមានឈ្នះឈ្នះ ស្ថិតក្នុងសង្កាត់ព្រែកតាសេក ខណ្ឌជ្រោយចង្វា រាជធានីភ្នំពេញនិងបានឃាត់ខ្លួនជនសង្ស័យម្នាក់ឈ្មោះ សុរ:ឆៃ ខាំកែវ(SURACHAI KHAMKAEW) ហៅ នឹង ភេទប្រុស អាយុ ៣៧ឆ្នាំ ជនជាតិ ថៃ កាន់អត្តសញ្ញាណប័ណ្ណសញ្ជាតិថៃ លេខ ១ ៥៧៩៩ ៥៤៣២៨ ៩៣ ២ និងរឹបអូសបានសារធាតុញៀន ប្រភេទម៉េតំហ្វេតាមីនICE  ២០កញ្ចប់ធំ ទម្ងន់ប្រមាណ ៥០គីឡូក្រាម និង

៨០,២៤ ក្រាម និងរថយន្តធុន LEXUS៤៧០ ព៌ណទឹកមាស ១គ្រឿង ពាក់ស្លាកលេខ ភ្នំពេញ 2M-7875។

បច្ចុប្បន្ន ជនសង្ស័យ និងវត្ថុតាងចាប់យកខាងលើ សមត្ថកិច្ចជំនាញបានកសាងសំណុំ រឿងបញ្ជូនទៅសាលាដំបូងរាជធានីភ្នំពេញបន្តតាមនីតិវិធី ៕ដោយ៖ ស សម