សារព័ត៌មាន នគរវត្ត តែងតែនាំមុខគេជានិច្ច
ឧត្តមស្នងការអង្គការសហប្រជាជាតិទទួលបន្ទុកជនភៀសខ្លួន(UNHCR) បានប្រកាសថា ចំនួនជនភៀសខ្លួននៅលើពិភពលោកកើនឡើងជាង ៨០លាននាក់ គិតត្រឹមពាក់កណ្តាលឆ្នាំ២០២០ ក្នុងពេលដែលការឆ្លងរាលដាលកូវីដ-១៩កាន់តែខ្លាំងពិបាកការពារ ជនភៀសខ្លួន។
តាមរបាយការណ៍របស់(UNHCR) ពលរដ្ឋរាប់សិបលាននាក់ ត្រូវបង្ខំចិត្តចាកចេញពីផ្ទះ ទៅភៀសខ្លួន ដោយសារតែអំពើហិង្សា សង្គ្រាមស៊ីវិល ហើយការឆ្លងរាលដាលកូវីដ-១៩បានធ្វើឲ្យប៉ះពាល់យ៉ាងខ្លាំងដល់ការរស់នៅរបស់ជនភៀសខ្លួន។
ចំនួនជនភៀសខ្លួន៨០លាននាក់អាចនឹងបន្តកើនឡើងប្រសិនបើ ពិភពលោកនៅតែមានសង្គ្រាមនោះ។
ឧត្តមស្នងការអង្គការសហប្រជាជាតិលោកFilippo Grandi ទទួលបន្ទុកជនភៀសខ្លួនបានលើកឡើងថា ចំនួនជនភៀសខ្លួនកើនឡើងទ្វេដងក្នុងរយៈពេលមួយទសវត្សរ៍កន្លងមក ដោយសារតែសហគមន៍អន្តរជាតិមិនអាចរក្សាបានសន្តិភាពពិភពលោក។ គិតត្រឹមដើមឆ្នាំ២០២០ មានជនភៀសខ្លួន កើនឡើងដល់ទៅ៧៩,៥លាននាក់ ។ ក្នុងចំណោមនោះមាន៤៥លាននាក់ភៀសខ្លួន ក្នុងប្រទេស ។
ប្រទេសដែលមានជនភៀសខ្លួនច្រើនក្នុងរយៈពេលចុងក្រោយនេះមាន ប្រទេស Syria, Mozambique, Somalia, សាធារណរដ្ឋCongo និង Yemen ។ តំបន់ដែលមានជនភៀសខ្លួនច្រើនជាងគេ គឺស្ថិតនៅក្នុងទ្វីបអាហ្វ្រិក៕
ដោយ៖ធី រីណា
