សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ពិតជាមិននឹកស្មានដល់ថា បុរសម្នាក់ជាកម្មករសំណង់បានសម្រេចចិត្តចង.កសម្លាប់ខ្លួនក្នុងបន្ទប់ទឹក ស្លាប់ចោលប្រពន្ធនិងកូន៣នាក់ បង្ករការភ្ញាក់ផ្អើលដល់អ្នករស់នៅជាប់បន្ទប់ជួលក្បែរគ្នា និង សមត្ថកិច្ចចុះមកពិនិត្យ កាលពីវេលាម៉ោង ៩ និង ៤០នាទីយប់ថ្ងៃព្រហស្បតិ៍ ទី១០ ខែធ្នូ ឆ្នាំ២០២០ ស្ថិតនៅតាមបណ្ដោយផ្លូវបេតុង ក្នុងសង្កាត់បឹងកេងកងទី៣ ខណ្ឌបឹងកេងកងរាជធានីភ្នំពេញ។
សពជនរងគ្រោះមានឈ្មោះ ម៉ៅ សារេត ភេទប្រុស អាយុ ៣៣ឆ្នាំ មុខរបរជាងសំណង់ មានប្រពន្ធ និងកូន ៣នាក់ រស់នៅស្រុកកំណើតឯខេត្តសៀមរាប ។
តាមប្រភពពីមិត្តភក្ដិជនរងគ្រោះបានប្រាប់ឲ្យដឹងថា មុនពេលកើតហេតុ ជនរងគ្រោះបានសំរាកនៅបន្ទប់ខាងក្នុង ហើយគាត់សំរាកនៅខាងក្រៅ ស្រាប់តែជនរងគ្រោះបានបិទភ្លើងរួចដើរចូលក្នុងបន្ទប់ទឹក ហើយគាត់ឆ្ងល់ឃើញចូលបន្ទប់ទឹកយូរក៏នាំគ្នាដើរទៅឃើញជនរងគ្រោះសរសេរអក្សរនៅកន្លែងគាត់សំរាក ថា(ខ្ញុំសុំទោសអ្នកទាំងអស់គ្នាដែលខ្ញុំត្រូវធ្វើបែបនេះ) រួចក៏នាំគ្នារត់ទៅមើលបន្ទប់ទឹកឃើញជនរងគ្រោះចង.ក និងខ្សែពីក្នុង ភ្លាមៗក៏នាំគ្នាច្រានចូលទៅឃើញថាជនរងគ្រោះបានដាច់ខ្យល់ស្លាប់បាត់ទៅហើយ ទេីបរាយការណ៍ទៅសមត្ថកិច្ចចុះមកពិនិត្យដល់កន្លែងកេីតហេតុតែម្ដង ។
ក្រោយមកសមត្ថកិច្ចមូលដ្ឋានបានចុះទៅដល់ ហេីយបានសហការជាមួយខាងមន្ត្រីជំនាញកោសល្យវិច័យ ដេីម្បីពិនិត្យទៅលើសពជនរងគ្រោះ ចុងក្រោយទេីបមន្ត្រីជំនាញកោសល្យវិច័យបញ្ចាក់បានថា ជនរងគ្រោះពិតជាស្លាប់ដោយសារធ្វេីអត្តឃាត ចង.កដោយខ្លួនឯងពិតមែន។ បន្ទាប់មកសមត្ថកិច្ចបានធ្វើកំណត់ហេតុប្រគល់សពទៅឲ្យក្រុមគ្រួសារយកទៅស្រុកកំណើតធ្វើបុណ្យតាមប្រពៃណី ៕ ដោយ៖ ភារ៉ា ដង្កោ
