សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ រថយន្តឡិចសុីសRX300 បេីកបុកម៉ូតូហុងដាឌ្រីមពីចំហៀងពេញទំហឹង បណ្ដាលឲ្យមនុស្សរបួស២នាក់ បង្កការភ្ញាក់ផ្អេីលដល់អ្នកដំណេីរកាលពីវេលាម៉ោង១២រំលងអាធ្រាត្រ ឈានចូលថ្ងៃទី១១ ខែធ្នូ ឆ្នាំ២០២០ នៅតាមបណ្ដោយផ្លូវ២០៥ កែងផ្លូវ៣៨៤ ស្ថិតក្នុងសង្កាត់ទួលស្វាយព្រៃ២ ខណ្ឌបឹងកេងកង រាជធានីភ្នំពេញ ។
តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកេីតហេតុ គេឃេីញបុរសម្នាក់និងនារីម្នាក់ ជិះម៉ូតូមួយគ្រឿងម៉ាក ហុងដាឌ្រីម ស៊េរី២០១៥ ពណ៌ខ្មៅ ពាក់ស្លាកលេខភ្នំពេញ 1FO-0824 ធ្វេីដំណេីរតាមបណ្ដោយផ្លូវ២០៥ ទិសដៅពីលិចទៅកេីតក្នុងល្បឿនល្មម ខណៈមកដល់ផ្លូវកែងលេខ៣៨៤ ក៏ត្រូវបានរថយន្តឡិចសុីសRX300 ពណ៌ស្ក ពាក់ស្លាកលេខ កណ្ដាល 2A-7717 បេីកបរដោយបុរសម្នាក់រួមនិងមិត្តភក្តិគាត់ម្នាក់ទៀត ធ្វេីដំណេីរតាមបណ្ដោយផ្លូវ៣៨៤ ទិសដៅពីត្បូងមកជេីង ហេីយបានបុកម៉ូតូខាងលេីចំពីចំហៀងពេញទំហឹង បណ្ដាលឲ្យដួលអូសជិត១០ម៉ែត្រ និងធ្វេីឲ្យនារីម្នាក់រងរបួសត្រូវបញ្ចូនទៅកាន់មន្ទីរពេទ្យ និងបុរសម្នាក់ទៀតរងរបួសស្រាល ។
ក្រោយកេីតហេតុ ភាគីទាំងពីរបាននិយាយចចារគ្នាអស់រយៈពេលយ៉ាងយូរនៅតែមិនត្រូវរ៉ូវគ្នា ទេីបសមត្ថកិច្ចមូលដ្ឋានទាក់ទងទៅជំនាញចរាចរណ៍ខណ្ឌបឹងកេងកងឲ្យចុះមកធ្វេីការវាស់វែងយករថយន្តនិងម៉ូតូទៅរក្សាទុក រង់ចាំដោះស្រាយតាមក្រោយ ៕
ដោយ៖ ភារ៉ា ដង្កោ
