សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ផ្ទះប្រជាពលរដ្ឋមួយកន្លែងក្បែរអតីតរោងកុន នៅតាមបណ្ដោយផ្លូវ៣៦៧ កែង៦៣១ ក្រុមទី១៥ ភូមិព្រែក សង្កាត់ច្បារអំពៅទី១ ខណ្ឌច្បារអំពៅ ត្រូវបានអគ្គិភ័យឆាបឆេះយ៉ាងសន្ធោសន្ធៅកាលពីវេលាម៉ោង០៩:០០នាទីព្រឹក ថៃ្ងចន្ទ ៧កើត ខែបុស្ស ឆ្នាំជូតទោស័ក ព.ស ២៥៦៤ត្រូវនឹងថ្ងៃទី២១ ខែធ្នូឆ្នាំ២០២០ ។
សមត្ថកិច្ចបានឲ្យដឹងថា មា្ចស់ទីតាំងឈ្មោះ ឡាំង អ៊ាបខេង ជនជាតិ ខែ្មរ ភេទស្រី អាយុ ៤៩ ឆ្នាំមុខរបរមេផ្ទះ ។
ចំពោះមូលហេតុបណ្ដាលមកពី ឆ្លងចរន្តអគ្គិសនី ។
ផ្ទះកេីតហេតុខាងលេីជាប្រភេទសំណង់ឈើប្រក់សង្ក័សី ទំហំ ៥ម៉ែត្រ x ១៦ម៉ែត្រ ដោយត្រូវបានខូចខាតសម្ភារប្រើប្រាស់ប្រចាំថ្ងៃអស់ទាំងស្រុង ទំហំ ៥ម៉ែត្រx១៦ម៉ែត្រ. នឹងឆេះរាលដាលដល់ផ្ទះអ្នក ជិតខាងអស់១ចំហៀងផ្ទះ ។
ក្នុងករណីនេះដែរមិនមានអ្នកស្លាប់ ឬរបួសមនុស្សឡេីយ ។ ដោយឡែករថយន្តការិយាល័យអគ្គិភ័យ ចំនួន ០៨គ្រឿង ប្រេីប្រាស់ទឹកអស់ចំនួន ១៦ឡានស្មេីនឹង ៦៤ ម៉ែត្រគូប ។
+ រថយន្តជំនួយ
– រថយន្តក្រសួងមហាផៃ្ទ: ចំនួន ២ គ្រឿង ប្រើប្រាស់ទឹកអស់ ២ ឡាន សើ្មនឹង១២ ម៉ែត្រគូប ។
– រថយន្តអាវុធហត្ថ: ចំនួន ៣ គ្រឿង ប្រើប្រាស់ទឹកអស់ចំនួន ៣ឡានសើ្មនឹង១២ ម៉ែត្រគូប។
– រថយន្តទីក្រុងកោះពេជ្រ: ចំនួន៤ គ្រឿង ប្រើប្រាស់ទឹកអស់ចំនួន ៤ ឡាន សើ្មនឹង ២៤ ម៉ែត្រគូប ។
– រថយន្តបុរីប៉េងហួត: ចំនួន ២ គ្រឿង ប្រើប្រាស់ទឹកអស់ចំនួន ២ឡានសើ្មនឹង១២ម៉ែត្រគូប ។
រថយន្តជ្រោយចងា្វ: ១គ្រឿង ប្រើប្រាស់ទឹកអស់ ១ឡានសើ្មនឹង៦ម៉ែត្រគូប ។
ហេតុការណ៍អគ្គិភ័យនេះពន្លត់ចប់នៅម៉ោង១០:១៥ នាទីព្រឹកថ្ងៃដដែល ៕
ដោយ ៖ ភារ៉ា ដង្កោ
