សារព័ត៌មាន នគរវត្ត តែងតែនាំមុខគេជានិច្ច
ក្រុមហ៊ុនអាកាសចរណ៍អាហ្សង់ទីន Aerolineas Argentinas កាលពីថ្ងៃទី ២៣ខែធ្នូ បានទៅកាន់ប្រទេសរុស្ស៊ីដើម្បីទទួលវ៉ាក់សាំង Sputnik V ជាលើកដំបូងនៅទីក្រុងមូស្គូ។ នៅថ្ងៃទី២៤ខែធ្នូនេះវ៉ាក់សាំង៣សែនដូសនឹងទៅដល់អាហ្សង់ទីន ដើម្បីចាក់ជូនពលរដ្ឋ។
តាមគម្រោងក្នុងរយៈពេល២១ថ្ងៃទៀត ក្រុមហ៊ុនអាកាសចរណ៍អា
ហ្សងទីននឹងទៅកាន់រុស្ស៊ីម្តងទៀតដើម្បីទទួលយកវ៉ាក់សាំងSputnik V សម្រាក់ចាក់លើកទីពីរ ។
នៅថ្ងៃទី២៣ខែធ្នូក្រសួងសុខាភិបាលអាហ្សង់ទីន បានអនុញ្ញាតឲ្យចាក់វ៉ាក់សាំងSputnik V របស់រុស្ស៊ី ក្រោយការចាក់ធ្វើតេស្តលើកចុងក្រោយនៅក្នុងប្រទេសនេះមានប្រសិទ្ធភាពខ្ពស់ ។ អាហ្សង់ទីនជាប្រទេសក្នុងតំបន់អាមេរិកឡាទីនដំបូងគេដែលបានអនុម័តឲ្យប្រើប្រាស់វ៉ាក់សាំងSputnik V របស់រុស្ស៊ី។ គិតមកដល់ថ្ងៃទី២៤ខែធ្នូ អាហ្សង់ទីន មានករណីឆ្លងកូវីដកើនឡើងដល់ទៅ 1.563.865 នាក់ និងស្លាប់42.314 នាក់ ។
ជាមួយគ្នានេះដែរ ប្រទេសប៉េរូសង្ឃឹមថា នឹងទទួលបានវ៉ាក់សាំងពីរុស្ស៊ីនៅដើមខែមករាឆ្នាំ២០២១។ ប៉េរូ គឺជាប្រទេសដែលមានអ្នកឆ្លង កូវីដ-១៩ជាង១លាននាក់ផងដែរ និងស្លាប់ជា៣៧ពាន់នាក់ ។
ដោយការឆ្លងរាលដាលកូវីដ-១៩បន្តកើនឡើងខ្ពស់ប្រទេសជាច្រើនជុំវិញពិភពលោក បានបង្កើនល្បឿនចាក់វ៉ាក់សាំង ដោយសង្ឃឹមថា ក្នុងរយៈពេល៣ខែដើមឆ្នាំ២០២១ នឹងគ្រប់គ្រងបាននូវការឆ្លងកូវីដ-១៩ ដើម្បីដំណើរការសេដ្ឋកិច្ចឡើងវិញ៕
ដោយ៖ធី រីណា
