សារព័ត៌មាន នគរវត្ត តែងតែនាំមុខគេជានិច្ច
ខេត្តក្រចេះ៖ ស្រ្តីម្នាក់មានសតិមិនប្រក្រតីត្រូវបានគេប្រទះឃើញលង់ទឹកស្លាប់ក្នុងទន្លេមេគង្គដោយមិនដឹងមូលហេតុ។
ហេតុការណ៍នេះបានកើតឡើងនៅចន្លោះម៉ោង២រសៀលថ្ងៃទី២៥ ខែធ្នូ ឆ្នាំ២០២០ ត្រង់ចំណុចក្នុងទន្លេមេគង្គ ទល់មុខស្នាក់ការគណបក្សប្រជាជនកម្ពុជា ស្ថិតក្នុងភូមិវត្ត សង្កាត់ក្រចេះ ក្រុងក្រចេះ ខេត្តក្រចេះ។
ប្រភពបានឱ្យដឹងថា សពស្រ្តីរងគ្រោះឈ្មោះ កួង សាខន ឬ ជា សុខាន់ ភេទស្រី អាយុ ៥៧ឆ្នាំ ជនជាតិខ្មែរ មានទីលំនៅភូមិវត្ត សង្កាត់ក្រចេះ ក្រុងក្រចេះ ខេត្តក្រចេះ។
ប្រភពបន្តថា ស្រ្តីនោះមានជំងឺសរសៃប្រសាទប្រចាំកាយ និងមានសតិមិនប្រក្រតីវង្វេងរត់ចេញពីផ្ទះស្រាប់តែគេប្រទះឃើញសាកសពស្លាប់អណ្តែតទឹកទៅហើយ។
ក្រោយកើតហេតុសមត្ថកិច្ចបានចុះពិនិត្យធ្វើកោសល្យវិច័យ ហើយក៏ប្រគល់សពឱ្យក្រុមគ្រួសារសាច់ញាតិយកទៅធ្វើបុណ្យតាមប្រពៃណីផងដែរ៕
ដោយ៖ ជីវ័ន្ត
