ស្ថានទូតកម្ពុជា និងសមាគមនិស្សិតខ្មែរនៅកូរ៉េ បានរួមសហការគ្នារៀបចំកម្មវិធី ២ ដ៏មានសារ:សំខាន់លើបញ្ហាការពារសុខភាព

សាធារណរដ្ឋកូរ៉េ៖ លោក ឡុង ឌីម៉ង់ ឯកអគ្គរាជទូតកម្ពុជាប្រចាំសាធារណរដ្ឋកូរ៉េ នៅរសៀលថ្ងៃទី២៧ ខែធ្នូ ឆ្នាំ២០២០ បានអោយដឹងថា, ស្ថានទូតកម្ពុជា និងសមាគមនិស្សិតខ្មែរនៅកូរ៉េ បានរួមសហការគ្នារៀបចំកម្មវិធី ២ ដ៏មានសារ:សំខាន់កាលពីថ្ងៃសៅរ៍កន្លងមកនេះ ÷

១- សិក្ខាសាលាស្រាវជ្រាវលើកទី៨របស់សមាគមនិស្សិត អតីតនិស្សិត និងអ្នកស្រាវជ្រាវខ្មែរនៅកូរ៉េ រួមជាមួយវាគ្មិន ៥រូប ព្រមទាំងអ្នកចូលរួម សរុប ៧២ នាក់ បានបញ្ចប់ទៅដោយជោគជ័យ និងទទួលបានចំណេះដឹងជារបកគំហើញថ្មីៗ ដែលជាធាតុចូលសម្រាប់ចូលរួមអភិវឌ្ឍធនធានមនុស្ស  និងការអភិវឌ្ឍប្រទេសកម្ពុជាយើង។ 

២- កម្មវិធី CSAK Talk លើប្រធានបទ “មូលហេតុចំបងៗដែលអាចបង្កអោយមានគ្រោះថ្នាក់ដល់អាយុជីវិតភ្លាមៗ ជាពិសេសក្នុងរដូវរងារ” ដោយមានវត្តមានវាគ្មិនជាវេជ្ជបណ្ឌិតជំនាញ ២រូប ដែលកំពុងបន្តការសិក្សានៅកូរ៉េ គឺវេជ្ជ. គឿន កល្យាណ និងវេជ្ជ. ខ្មៅ ពេជ្រម៉ានិល ឯកទេសជំងឺបេះដូង សរសៃរឈាម និងវិបត្តិចង្វាក់បេះដូង៕

ដោយ៖សិលា