សារព័ត៌មាន នគរវត្ត តែងតែនាំមុខគេជានិច្ច
សារព័ត៌មានរ៉យទ័របានផ្សាយថា លោក Jim McLean អតីតអ្នកចាត់ការទូទៅរបស់ក្លិប Dundee United ដែលជាគ្រូបង្វឹកធ្លាប់ដឹកនាំទទួលបានជ័យជំនះលើក្រុម Barcelona និង Borussia Moenchengladbach ក្នុងដំណើរឆ្ពោះទៅវគ្គផ្តាច់ព្រ័ត្រ UEFA Cup កាលពីឆ្នាំ១៩៨៧ បានទទួលមរណភាពក្នុងអាយុ៨៣ឆ្នាំ។
លោក Jim McLean បានដឹកនាំក្រុម Dundee United របស់លីគកំពូលស្កុតឡេនឱ្យទទួលបានជើងឯកលីគកំពូលស្កុតឡេនតែមួយគត់របស់ពួកគេក្នុងឆ្នាំ ១៩៨៣ និងបានជួយក្លិបប្រកួតប្រជែងជាមួយភាពលេចធ្លោជាងក្រុម Celtic និង Rangers ។
ក្លិប Dundee United បានចេញសេចក្តីថ្លែងការណ៍ថា “ជាផ្នែកសំខាន់មួយនៃប្រវត្តិសាស្រ្តរបស់យើង និងឈានមុខគេក្នុងវិស័យបាល់ទាត់អឺរ៉ុប។ លោក Jim McLean ជាប្រវត្តិសាស្រ្តនៃអតីតកាលរបស់ក្លិបដែលត្រូវបានមើលថែដោយក្រុមគ្រួសារនៅទូទាំងពិភពលោក។ គាត់នឹងត្រូវបានឃ្លាតឆ្ងាយពីយើងទាំងអស់គ្នាហើយ” ។
លោក McLean បានដឹកនាំក្លិប Dundee United ទៅលេងពានរង្វាន់លីគកំពូលស្កុតឡេនក្នុងឆ្នាំ១៩៧៩-១៩៨០ និង ១៩៨០-១៩៨១ និងជ័យជម្នះក្នុងលីគនៅឆ្នាំ១៩៨៣ ព្រមទាំងទទួលបានភាពល្បីល្បាញនៅតំបន់អឺរ៉ុបផងដែរ។
សូមបញ្ជាក់ថា បន្ទាប់ពីឈានដល់វគ្គពាក់កណ្តាលផ្តាច់ព្រ័ត្រនៃព្រឹត្តិការណ៍អឺរ៉ុបកាលពីឆ្នាំ១៩៨៤ ជាកន្លែងដែលពួកគេបានចាញ់ក្រុម Roma ៣-២ លើជើងទាំងពីរ ហើយក្រុម Dundee United ធ្លាប់បានយកឈ្នះក្រុម Barcelona និង Borussia Moenchengladbach មុនពេលចាញ់ ២-១ លើក្រុម IFK Gothenburg ក្នុងពានរង្វាន់ UEFA Cup ៣ឆ្នាំក្រោយមក។ លោក McLean បានចំណាយពេល ២២ឆ្នាំជាអ្នកចាត់ការទូទៅរបស់ក្លិប Dundee United មុនពេលចូលនិវត្តន៍នៅឆ្នាំ១៩៩៣ ៕
ដោយ៖ភារៈ
