សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តមួយគ្រឿងបានឆ្លងផ្លូវទៅបុកឡាំប្រឺតាក្រឡាប់ផ្ងាជើង រងការខូចខាតមួយកំណាត់ក្រោយយ៉ាងដំណំ តែមិនមាននរណាម្នាក់រងរបួសនោះទេ។
ហេតុការណ៍នេះបានកើតឡើងកាលពីវេលាម៉ោង ១២ និង ១៥នាទី ថ្ងៃត្រង់ថ្ងៃទី ២៨ ខែធ្នូឆ្នាំ ២០២០នៅតាមបណ្តោយផ្លូវ៦១៦ កែងផ្លូវ១១៣ ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។
រថយន្តបង្កម៉ាកហាយឡេនឌ័រពាក់ស្លាកលេខភ្នំពេញ 2AS-2481 បើកដោយបុរម្នាក់រងការខូចខាតកំណាត់មុខតិចតួច ចំណែកឯឡាំប្រឺតា ពណ៌ស ពាក់ស្លាកលេខភ្នំពេញ(ត)1IG- 3228 បើកដោយបុរសម្នាក់រងការខូចខាតផ្នែកខាងក្រោយផ្នែកខាងស្តាំ។
តាមប្រភពព័ត៌មាននៅកន្លែងកើតហេតុបានឱ្យដឹងថានៅមុនពេលកើតហេតុគេឃើញរថយន្តហាយឡេនឌ័របានបេីកតាមបណ្តោយផ្លូវ១១៣ ក្នុងទិសដៅពីត្បូងមកជើង ក្នុងល្បឿនយ៉ាងលឿន ខណៈមកដល់ចំណុចកើតហេតុក៏បានជ្រុលទៅបុកឡាំប្រឺតាមួយគ្រឿងខាងលើ ដែលកំពុងបេីកតាមផ្លូវ៦១៦ បណ្តាលឱ្យក្រឡាប់ផ្ងារជើងឯអ្នកជិះកង់បីរងរបួសស្រាល។
ក្រោយកើតហេតុភាគីទាំងសងខាងសម្រួសគ្នាបញ្ចប់រឿងដោយភាគីខាងរថយន្តចេញថ្លៃជួសជុលការខូចខាតចំនួន២០០ដុល្លារ៕
ដោយ៖រ៉ារ៉ា
