សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ ក្នុងពិធីបុណ្យឆ្លងឆ្នាំសកលថ្ងៃទី៣១ ខែធ្នូ ឆ្នាំ២០២០ ឈានចូលឆ្នាំ២០២១នេះ ភ្ញៀវទេសចរដែលនាំគ្នាទៅលេងកម្សាន្ដនៅឯខេត្តព្រះសីហនុ មានប្រមាណ៥ម៉ឺននាក់។ នេះបើតាមការអះអាងពីលោក តាំង សុចិត្រគ្រឹស្នា ប្រធានមន្ទីរទេសចរណ៍ខេត្តព្រះសីហនុ។
សូមជម្រាបថា ភ្ញៀវទេសចរសរុបចំនួន៣៦,៨៤៨នាក់កើនឡើង២៣,៧៣% បើធៀបនឹងឆ្នាំ ២០១៩ ។ ក្នុងនោះភ្ញៀវជាតិមាន៣៥,២៧៨នាក់កើនឡើង៥៦,៧៩%បើធៀបនឹងឆ្នាំ ២០១៩។
ភ្ញៀវបរទេស ១,៥៧០នាក់ ថយចុះ៧៨,៤៣% បើធៀបនឹងឆ្នាំ២០១៩ ។ លោកបន្តថា ភ្ញៀវចូលតាមព្រលានយន្ត ហោះអន្តរជាតិក្រុងព្រះសីហនុ១ជើង មានសរុប២៣នាក់ ( ចិនទាំងអស់) ។
លោក តាំង សុចិត្រគ្រឹស្នា បានឱ្យដឹងទៀតថា ភ្ញៀវទេសចរទៅកម្សាន្តតាម កោះនានាមានចំនួនសរុប ២,១៣៣នាក់ ថយចុះ២០,៧៣% បើធៀបនឹងឆ្នាំ២០១៩។ ក្នុងនោះ ភ្ញៀវជាតិមាន១,៨៥០នាក់ កើនឡើង៥,៧១% បើធៀបនឹងឆ្នាំ២០១៩។ ចំណែកភ្ញៀវបរទេសមាន២៨៣នាក់ ថយចុះ៦៩,៩២% បើធៀបនឹងឆ្នាំ២០១៩។
ដោយឡែកភ្ញៀវទៅកម្សាន្តតាមបណ្តាឆ្នេរ និងរមណីយដ្ឋាននានាសរុប ៣០,៦២៣នាក់ កើនឡើង១៣០,៨៥% បើធៀបនឹងឆ្នាំ២០១៩ ។ ភ្ញៀវជាតិ ២៩,២៧៨នាក់ កើនឡើង១២៨,៤៦% បើធៀបនឹងឆ្នាំ២០១៩។ ភ្ញៀវបរទេសមាន១,៣៤៥នាក់ កើនឡើង១៩៨,៨៨% បើធៀបនឹងឆ្នាំ២០១៩៕
ដោយ៖សហការី
