សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បេីយោងតាមការជូនដំណឹងរបស់ផេកហ្វេសប៊ុកផ្ទាល់របស់MoEYS Cambodia បានបញ្ជាក់ថា ការទទួលយកបញ្ជីលទ្ធផលប្រឡងនិងសញ្ញាបត្រមធ្យមសិក្សាទុតិយភូមិ សម្រាប់ឆ្នាំសិក្សា ២០១៩–២០២០ក្រសួងអប់រំ យុវជន និងកីឡា បានចេញសញ្ញាបត្រមធ្យមសិក្សាទុតិយភូមិសម័យប្រឡង៖ ថ្ងៃទី២១ ខែធ្នូ ឆ្នាំ២០២០ ជូនបេក្ខជនដែលទើបបានសម្រេចឱ្យជាប់ដោយស្វ័យប្រវត្តិ ដើម្បីយកទៅប្រើប្រាស់តាមច្បាប់អនុញ្ញាត។
អាស្រ័យដូចបានជម្រាបជូនខាងលើ សូមលោក លោកស្រីប្រធាន ចាត់តាំងតំណាងដោយភ្ជាប់មកជាមួយនូវលិខិតឧទ្ទេសនាមដែលប្រើប្រាស់ថវិកាអង្គភាពមន្ទីរសាមីឲ្យមកទទួលយកសញ្ញាបត្រមធ្យមសិក្សាទុតិយភូមិសម័យប្រឡង៖ ថ្ងៃទី២១ ខែធ្នូ ឆ្នាំ២០២០ នៅនាយកដ្ឋានកិច្ចការប្រឡងចាប់ពីថ្ងៃទី០២ ខែកុម្ភៈ ឆ្នាំ២០២១ តទៅដើម្បីយកទៅចែកជូនបេក្ខជនដោយឥតគិតថ្លៃ ៕ដោយ៖សហការី
