សារព័ត៌មាន នគរវត្ត តែងតែនាំមុខគេជានិច្ច
នៅក្នុងឃ្លីបវីដេអូ ដែលសេតវិមានបានផ្សព្វផ្សាយ នៅថ្ងៃទី១៣ខែកុម្ភៈ ប្រធានាធិបតីបៃឌិន និង ភរិយា បានផ្ញើសារជូនពរឆ្នាំ«ឆ្លូវ» ប្រកបដោយសុភមង្គល សន្តិភាពនិងវិបុលភាព។
លោកបៃឌិនបានថ្លែងនៅក្នុងឃ្លីប ថា «ខ្ញុំនិងភរិយា សូមជូនពរក្នុងឱកាសបុណ្យចូលឆ្នាំរបស់ពលរដ្ឋ ដែលមានពេលវេលាចូលឆ្នាំនៅពេលនេះ ប្រកបដោយសុភមង្គល»។ ចំណែក លោកស្រីJill Biden បានលើកឡើងថា ឆ្នាំឆ្លូវ គឺជាការរំលឹកដល់យើងពីការប្តេជ្ញា តស៊ូ រឹងមាំរបស់មនុស្សគ្រប់រូប។ លោកស្រីបន្តទៀតថា ចង្កៀងគោម បានដុតបំភ្លឺ ក្តីសង្ឃឹម នៅខាងមុខរបស់យើង ។
នៅក្នុងឃ្លីបវីដេអូ លោកបៃឌិនក៏បានបង្ហាញពីក្តីបារម្ភពីជំងឺកូវីដ -១៩ បានសម្លាប់មនុស្សជាច្រើន ។ អ្វីដែលគួរបារម្ភនៅពេលនេះ គឺការរើសអើងជាតិសាសន៍ សំដៅទៅលើក្រុមជនជាតិអាស៊ី ។ លោកបៃឌិនបន្តទៀតថា ទាំងនោះជាសកម្មភាពខុសឆ្គង ជាភាពអាម៉ាស់ អមនុស្សធម៌របស់អាមេរិក។
ដើម្បីទប់ស្កាត់ការការរើងអើងជាតិសាសន៍ លោកបៃឌិនបានចុះហត្ថលេខាលើច្បាប់ប្រឆាំងការរើសអើងជាតិសាសន៍មកលើពលរដ្ឋតំបន់អាស៊ី។
លោកបៃឌិន បញ្ជាក់ទៀតថា ពហុជាតិសាសន៍ បានបង្កើនជាកម្លាំងជួយដល់យើងទាំងអស់គ្នាគាន់តែរីកចម្រើន ។ លោកក៏បានសន្យាថា នឹងចាត់វិធានការដល់ការរើសអើងជាតិសាសន៍នៅក្នុងទឹកដីអាមេរិក៕ ដោយ៖ធី រីណា
រូបភាព៖ chụp màn hình
