ម្ចាស់ជើងឯកវាយកូនហ្គោល Tiger Woods ត្រូវបានបញ្ជូនទៅកាន់មន្ទីរពេទ្យក្នុងទីក្រុង Los Angeles កាលពីថ្ងៃទី២៣ ខែកុម្ភៈដោយមានរបួសជើងយ៉ាងធ្ងន់ធ្ងរនៅពេលដែលរថយន្តរបស់គាត់ក្រឡាប់នៅលើផ្លូវ ហើយរអិលចុះពីលើភ្នំដោយតម្រូវឲ្យក្រុមអ្នកជួយសង្គ្រោះដឹកគាត់ចេញពីរថយន្ត។ យោងតាមសារព័ត៌មានរ៉យទ័រដែល CNA យកមកចុះផ្សាយបានឲ្យដឹងថា ប៉ូលិសប្រចាំតំបន់ Los Angeles លោក Alex Villanueva បានប្រាប់សន្និសីទសារព័ត៌មានថា ការរងរបួសនេះមិនត្រូវបានគេជឿជាក់ថាអាចមានគ្រោះថ្នាក់ដល់អាយុជីវិតនោះទេ។ ប៉ូលិសបានអះអាងថា មិនមានភ័ស្តុតាងណាមួយបង្ហាញពីការធ្វេសប្រហែសរបស់អ្នកបើកបរនៅពេលដែលដឹកលោក Tiger Woods ហើយក៏រេចង្កូតធ្លាក់ចេញពីផ្លូវ ត្រូវបានគេសង្គ្រោះបន្ទាន់នៅកន្លែងកើតហេតុ ហើយមិនមានសំណាកឈាមឡើយបន្ទាប់ពីគាត់ត្រូវបានបញ្ជូនតាមរថយន្តសង្គ្រោះទៅកាន់មជ្ឈមណ្ឌលវេជ្ជសាស្ត្រ Harbor-UCLA ។ លោក Tiger Woods គឺជាមនុស្សម្នាក់ក្នុងចំណោមឥស្សរជនកីឡាល្បីល្បាញបំផុតនៅលើពិភពលោកដែលធ្វើដំណើរតាមរថយន្តដែលបានធ្លាក់ចេញពីផ្លូវនៅម៉ោង៧និង១២នាទីព្រឹកម៉ោងនៅអាមេរិកក្បែរសហគមន៍ជាយក្រុង Rolling Hills Estates ។ អនុប្រធានតំបន់ Cariff លោក Carlos Gonzales ជាអ្នកដំបូងគេនៅកន្លែងកើតហេតុបាននិយាយថា លោក Woods នៅតែពាក់កៅអីសុវត្ថិភាពរបស់គាត់ដែលមានសុវត្ថិភាព ប៉ុន្តែគាត់បានទទួលរងរបួសជើងធ្ងន់ធ្ងរ។ ប្រធានផ្នែកអគ្គិភ័យរដ្ឋ Los Angeles លោក Daryl Osby បានប្រាប់អ្នកយកព័ត៌មានថា លោក Tiger Woods បានរងរបួសធ្ងន់ទាំងសងខាង ហើយត្រូវបានគេរាយការណ៍ថាស្ថិតក្នុងស្ថានភាពធ្ងន់ធ្ងរប៉ុន្តែមានសុវត្ថិភាពពីជីវិតរបស់គាត់ ដោយមានគ្រោះថ្នាក់ដល់ជីវិតនោះទេ។ សូមបញ្ជាក់ថា លោក Tiger Woods មានវ័យ៤៥ឆ្នាំធ្លាប់បានរងរបួសផ្នែកខ្នង និងជង្គង់នាពេលប៉ុន្មានឆ្នាំចុងក្រោយនេះត្រូវបានគេចាត់ទុកថា ជាកីឡាករវាយកូនហ្គោលដ៏អស្ចារ្យបំផុតក្នុងជំនាន់របស់គាត់។ គាត់គឺជាកីឡាករដែលឈ្នះពានរង្វាន់វាយកូនហ្គោលធំៗទាំង៤ជាប់ៗគ្នាដោយដណ្តើមបានពានរង្វាន់ US Open, British Open និង PGA Championship ក្នុងឆ្នាំ២០០០ និងពានរង្វាន់ Masters ក្នុងឆ្នាំ២០០១ ដែលជាការល្បីល្បាញដែលមានឈ្មោះថា Tiger Slam ៕ដោយ៖ភារៈ
រឿងទាក់ទង
៥ថ្ងៃដំបូងក្រោយចូលឆ្នាំថ្មី នគរបាលឃាត់ខ្លួនជនសង្ស័យ១៥៧នាក់ ពាក់ព័ន្ធ បទល្មើសជួញដូរនិងប្រើប្រាស់គ្រឿងញៀនខុសច្បាប់!
10 hours ago
ថ្ងៃនេះ ថ្ងៃស្អែក កុំឱ្យមានគ្រោះថ្នាក់ចរាចរណ៍! មិនត្រូវបើកបរក្រោមឥទ្ធិពលនៃជាតិស្រវឹង ឬសារធាតុញៀន!
11 hours ago