សារព័ត៌មាន នគរវត្ត តែងតែនាំមុខគេជានិច្ច
អន្តរជាតិ៖ បើយោងតាមសារព័ត៌មាន Reuters នៅថ្ងៃទី១៨ ខែមីនា ឆ្នាំ២០២១ បានដកស្រង់ចេញផ្សាយពីទីភ្នាក់ងារសុវត្ថិភាពរថយន្តរបស់សហរដ្ឋអាមេរិក បានប្រកាសថា ខ្លួននឹងបញ្ជូនក្រុមការងារទៅសិក្សា និងស៊ើបអង្កេតទៅលើករណីរថយន្តរបស់ក្រុមហ៊ុន Tesla បានបើកទៅបុកទង្គិចជាមួយរថយន្តប៉ូលីស ដោយប្រើប្រាស់មុខងារ Autopilot (បើកបរដោយស្វ័យប្រវត្តិ)។
បើតាមការលេីកឡេីងរបស់រដ្ឋបាលសុវត្ថិភាពចរាចរណ៍ផ្លូវគោកជាតិសហរដ្ឋអាមេរិក បានបញ្ជាក់ថា នៅពេលនេះក្រុមការងារជំនាញពិសេសពាក់ព័ន្ធនឹងគ្រោះថ្នាក់ចរាចរណ៍ បានចាប់ផ្ដើមធ្វើការងារនេះ ខណៈអាជ្ញាធរ និងក្រុមជំនាញខាងបច្ចេកទេស និងក្រុមពាក់ព័ន្ធផ្សេងៗ ក៏កំពុងធ្វើការងារនេះផងដែរ។
រដ្ឋបាលសុវត្ថិភាពចរាចរណ៍ផ្លូវគោក បន្ថែមទៀតថា ករណីបែបនេះកេីតមានច្រើនដងហើយ ពាក់ព័ន្ធនឹងរថយន្ត Tesla ហើយលទ្ធផលនៃការស៊ើបអង្កេតក៏មិនទាន់រកឃើញអ្វីដែលជាកំហុសឆ្គងរបស់ក្រុមហ៊ុនផងដែរ ហើយករណីនេះក៏នៅមិនទាន់ដឹងច្បាស់ផងដែរ តែអ្វីដែលសំខាន់នោះគឺខាងប៉ូលិសខ្លាចមានគេលួចប្រើ (Hack) ប្រព័ន្ធប្រតិបត្តិការរបស់រថយន្ត Tesla ក្នុងការប្រព្រឹត្តបទល្មើស ឬឧក្រិដ្ឋកម្ម។
សូមជម្រាបថា ពាក់ព័ន្ធនឹងការប្រើប្រាស់មុខងារ Autopilot នេះផងដែរ ត្រូវបានខាងក្រុមហ៊ុន Tesla ណែនាំថា អាចប្រើបាន ប៉ុន្តែមិនត្រូវដកដៃ ឬមិនយកចិត្តទុកដាក់លើចង្កូតរថយន្តឡើង។
ដោយឡែកយោងតាមសម្តីរបស់ប៉ូលីសវិញ បានបញ្ជាក់ដែរថា រថយន្តរបស់បុរសវ័យប្រហែល ២២ឆ្នាំ បានបើកមកបុកជាមួយនឹងរថយន្តល្បាតនៅស្ថានីយប៉ុស្តិ៍ប៉ូលីស Michigan State Police ដោយរថយន្តនោះ មានបើកភ្លើងអាសន្ន ហើយករណីនេះផងដែរ មិនបណ្តោលឲ្យមានមនុស្សស្លាប់ ឬរបួសនោះទេ៕ដោយ៖ស តារា
