សារព័ត៌មាន នគរវត្ត តែងតែនាំមុខគេជានិច្ច
ការចាប់ឆ្នោតគូដែលត្រូវប៉ះគ្នាក្នុងវគ្គ៨ក្រុងចុងក្រោយក្របខ័ណ្ឌ Champions League និង Europa League ត្រូវបានរកឃើញហើយ កាលពីយប់ថ្ងៃទី១៩ ខែមីនា ឆ្នាំ២០២១។ ក្នុងនោះបើតាមការចេញផ្សាយរបស់ BBC Sport បានបង្ហាញថា ក្រុមអតីតម្ចាស់ជើងឯក Bayern Munich ប៉ះជាមួយក្រុមខ្លាំងមកពីបារាំង PSG ខណៈដែលក្រុមបិសាចក្រហម Manchester United ប៉ះក្រុម Grananda ។
គូផ្សេងទៀតសម្រាប់ពានរង្វាន់ Champions League គឺក្រុម Manchester City ប៉ះក្រុម Borussia Dortmund, ក្រុម Porto ប៉ះក្រុមChelsea និងក្រុម Real Madrid ប៉ះក្រុម Liverpool ក្នុងវគ្គ៨ក្រុម ខណៈវគ្គពាក់កណ្តាលផ្តាច់ព្រ័ត្រគឺក្រុម Bayern Munich ឬ Paris St-Germain ប៉ះ Manchester City ឬ Borussia Dortmund និង Real Madrid ឬ Liverpool ប៉ះ Porto ឬ Chelsea ។
ចំណែកវគ្គ៨ក្រុមចុងក្រោយសម្រាប់ពានរង្វាន់ Europa League គឺក្រុម Granada ប៉ះក្រុម Manchester United, ក្រុម Arsenal ប៉ះក្រុម SlaviaPrague, ក្រុម Ajax ប៉ះក្រុម Roma និងក្រុម Dinamo Zagreb ប៉ះក្រុមVillarreal ។ សម្រាប់វគ្គពាក់កណ្តាលផ្តាច់ព្រ័ត្រវិញគឺក្រុម Granada ឬ Manchester United ប៉ះក្រុម Ajax ឬ Roma និងក្រុម Dinamo Zagrebឬ Villarreal ប៉ះក្រុម Arsenalឬ Slavia Prague ។
សម្រាប់ការប្រកួតក្របខ័ណ្ឌ Champions League វគ្គ៨ក្រុមនេះនឹងប្រព្រឹត្តទៅនៅថ្ងៃទី៦-៧ និងថ្ងៃទី ១៣-១៤ ខែមេសាខាងមុខ ខណៈការប្រកួតជើងទីមួយនៃវគ្គពាក់កណ្តាលផ្តាច់ព្រ័ត្រនឹងធ្វើឡើងនៅថ្ងៃទី២៧-២៨ ខែមេសា និងជើងទី២នៅថ្ងៃទី៤-៥ ខែឧសភា។ ចំណែកការប្រកួតវគ្គ៨ក្រុមក្របខ័ណ្ឌ Europa League នឹងប្រព្រឹត្តទៅនៅថ្ងៃទី៨ និងថ្ងៃទី១៥ ខែមេសា ខណៈការប្រកួតវគ្គពាក់កណ្តាលផ្តាច់ព្រ័ត្រគ្រោងធ្វើនៅថ្ងៃទី២៩ ខែមេសានិងថ្ងៃទី៦ ខែឧសភា ឆ្នាំ២០២១ខាងមុខ ៕
ដោយ៖ភារៈ
