សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ មានហេតុការណ៍មួយបង្កឲ្យមានការភ្ញាក់ផ្អើលដល់ប្រជាពលរដ្ឋនិងអ្នកធ្វើដំណើរតាមដងផ្លូវទាំងយប់ដោយសាររថយន្តកាមរីបាឡែន១គ្រឿង បានបើកតាមផ្លូវសុខៗស្រាប់តែឆ្លងចរន្តភ្លើងបណ្តាលឲ្យឆាបឆេះយ៉ាងសន្ធោសន្ធៅសល់តែគ្រោងឆ្អឹង។
ហេតុការណ៍នេះបានកើតឡើងនៅវេលាម៉ោង៩និង៣០នាទីយប់ ថ្ងៃទី២០ ខែមីនា ឆ្នាំ២០២១ នៅតាមបណ្តោយផ្លូវ ឈ្នះ=ឈ្នះ ក្នុងភូមិត្រពាំងរាំង សង្កាត់ឃ្មួញ ខណ្ឌសែនសុខ រាជធានីភ្នំពេញ។
សមត្ថកិច្ចបានឱ្យដឹងថា ម្ចាស់រថយន្តកាមរីបាឡែនដែលឆេះនោះមានឈ្មោះ ភឿន វ៉ាន់ ភេទប្រុស អាយុ៣៦ឆ្នាំ ។ការឆាបឆេះរថយន្តនោះបណ្តាលឱ្យខូចខាតសម្ភារមួយចំនួនរួមមាន៖ រថយន្តកាមរីបាឡែន១គ្រឿងពាក់ស្លាកលេខភ្នំពេញ2Y-4119 ស៊េរីឆ្នាំ២០០៣, កាតគ្រីម៉ូតូ១ , ប្លង់ដីចំនួន២កន្លែង, បណ្ណបើកបរ, អត្តសញ្ញាប័ណ្ឌសញ្ជាតិខ្មែរ, ថវិកាមួយចំនួន តែពុំបានឆេះរាលដាលដល់ផ្ទះអ្នកជិតខាង និងពុំមានមនុស្សរងរបួសឬស្លាប់ឡើយ។
ក្រោយពីកើតហេតុមានរថយន្តការិយាល័យបង្ការ និងពន្លត់អគ្គិភ័យរាជធានីភ្នំពេញចំនួន១គ្រឿងបានចេញមកបាញ់ពន្លត់នៅម៉ោង១០យប់ នាថ្ងៃដដែល៕ដោយ៖ជ្រោយពេជ្រ
