សារព័ត៌មាន នគរវត្ត តែងតែនាំមុខគេជានិច្ច
ខេត្តតាកែវ៖ នាល្ងាចថ្ងៃទី២៨ ខែមីនា ឆ្នាំ២០២១នេះ មានសេចក្ដីរាយការណ៍បឋម ពីខេត្តតាកែវ បានឲ្យដឹងនៅមុននេះបន្ដិច ថា ចុងភៅក្នុងពិធីមង្គលការ ដែលលោក កក្កដា សោភ័ណ្ឌ ទៅចូលរួមនៅស្រុកសំរោងនោះ រកឃើញកើតជំងឺកូវីដ-១៩ ក្រោយការធ្វើតេស្ដលើកទី៣។ ខណ: កក្កដា សោភ័ណ្ឌ ទើបព្យាបាលបានជាសះស្បើយ ។
បើតាមរបាយការណ៍របស់សមត្ថកិច្ច ដែលបណ្ដាញសារព័ត៌មាន ទទួលបាន បញ្ជាក់ឲ្យដឹងថា, អ្នកវិជ្ជមានជំងឺកូវីដ-១៩នេះ ពាក់ព័ន្ធជាមួយបុគ្គល កក្កដា សោភ័ណ្ឌ នៅក្នុងពិធីមង្គលការកាលពីថ្ងៃទី១២ ខែមីនា ឆ្នាំ២០២១ នៅភូមិក្រាំងលាវ ឃុំរវៀង ស្រុកសំរោង។ អ្នកជំងឺឈ្មោះ ហ៊ីង សាមួន ភេទប្រុស អាយុ៤៩ឆ្នាំ ទីលំនៅភូមិព្រេច សង្កាត់រកាក្រៅ ក្រុងដូនកែវ។
ជំងឺកូវីដ-១៩ ពិតជាសាហាវ គ្មានរូប មិនដឹងនៅតំបន់ណាខ្លះ! មានតែបងប្អូនជនរួមជាតិ អនុវត្តតាមវិធានសុខាភិបាល ការណែនាំពីប្រមុខរាជរដ្ឋាភិបាលកម្ពុជា ៣ការពារនិង ៣កុំ អោយបានខ្ជាប់ខ្ជួន៕
ដោយ ៖ សិលា
