សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ នារីរូបស្រស់ម្នាក់បានដាច់ចិត្តមកបញ្ចប់ជីវិតដោយធ្វើអត្តឃាតលោតពីលើស្ពានអាកាសស្ទឹងមានជ័យ តែមិនស្លាប់បណ្ដាលឲ្យរងរបួសធ្ងន់ត្រូវបានរថយន្តដឹកយកទៅសង្គ្រោះភ្លាមៗ។ ហេតុការណ៍បង្កការភ្ញាក់ផ្អេីលកាលពីវេលាម៉ោង៩និង៣០នាទីយប់ថ្ងៃទី៣០ ខែមីនា ឆ្នាំ២០២១ តាមបណ្ដោយផ្លូវលេខ២១៧ ត្រ់ចំណុចលើស្ពានស្ទឹងមានជ័យ ក្នុងសង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ ។
នារីរងគ្រោះមានឈ្មោះ លីនដា អាយុជាង២០ឆ្នាំ មុខរបរជាកម្មការិនីរោងចក្រ ស្នាក់នៅផ្ទះជួលខាងក្រោយក្លិបសុធី សង្កាត់ស្ទឹងមានជ័យ២ ខណ្ឌមានជ័យ។
តាមប្រភពពីបុរសម្នាក់ដែលឃើញហេតុការណ៍ខាងលេីបានប្រាប់ថា មុនពេលកើតហេតុគាត់ឃើញនារីរងគ្រោះដើរបណ្តើរយំបណ្តើរក្នុងទិសដៅពីលិចទៅកើត ខណៈមកដល់ចំណុចលើស្ពានត្រង់ចំណុចកេីតហេតុស្រាប់តែឡើងលើបង្កាន់ដៃស្ពាន។
ពេលឃើញបែបនេះគាត់ក៏រត់ទៅចាប់ដៃបានម្ខាងតែចាប់មិនជាប់បណ្ដាលឲ្យនាងលោតទម្លាក់ខ្លួនមកខាងក្រោមតែម្ដង តែសំណាងល្អមិនស្លាប់បណ្ដាលឲ្យរបួសធ្ងន់។
ក្រោយមក នារីរងគ្រោះត្រូវបានសមត្ថកិច្ចទាក់ទងហៅរថយន្តសាមុយដឹកយកទៅសង្គ្រោះជីវិតភ្លាមៗផងដែរ ៕
ដោយ ៖ ភារ៉ា ដង្កោ
