សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យប់ថ្ងៃទី៣១ ខែមីនា ឆ្នាំ២០២១ រដ្ឋបាលខណ្ឌពោធិ៍សែនជ័យ ដឹកនាំដោយលោក ប៉ាង លីដា អភិបាលរងខណ្ឌ សហការជាមួយរដ្ឋបាលសង្កាត់ចោមចៅទី៣ និងក្រុមគ្រូពេទ្យជំនាញ បានមកយកជនជាតិចិនម្នាក់ ដែលមានវិជ្ជមានCOVID -19 នៅសណ្ឋាគារយូ អេង ផ្លូវសហព័ន្ធ រុស្ស៊ី ភូមិព្រៃទា១ សង្កាត់ចោមចៅទី៣ ខណ្ឌពោធិសែនជ័យ រាជធានីភ្នំពេញ ដេីម្បីទៅសម្រាកព្យាបាលជំងឺនៅមន្ទីពេទ្យហ្លួងម៉ែបន្ត។
លោក សុទ្ធ សុជាតិចៅសង្កាត់រង សាលាសង្កាត់ ចោមចៅទី៣ បានឲ្យដឹងថា បុរសជនជាតិចិនដែលវិជ្ជមានកូវីដ-១៩ ខាងលេីឈ្មោះChen dong cai អាយុ៤៨ឆ្នាំស្នាក់នៅសណ្ឋាគារ យូ អេង ភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ។
លោកបានបន្តថា ចំពោះអ្នកដែលពាក់ព័ន្ធត្រូវបានធ្វេីចត្តាឡីស័កបន្តនៅទីតាំងខាងលេីនេះ៕
ដោយ ៖សុខាសែនជ័យ
