សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បោះពួយម៉ូតូក្នុងល្បឿនលឿនជ្រុលបុកម៉ូតូមួយគ្រឿងទៀតពីក្រោយបណ្តាលឲ្យរងរបួសទាំងសងខាងត្រូវរថយន្តសង្គ្រោះដឹកទៅមន្ទីរពេទ្យភ្លាមៗ។
ហេតុការណ៍នេះបានកេីតឡេីងកាលពីវេលាម៉ោង៨និង១៥នាទីព្រឹក ថ្ងៃទី០២ ខែមេសា ឆ្នាំ២០២១ នៅតាមបណ្តោយមហាវិថីសហព័ន្ធរុស្សុី ភូមិព្រៃជីសាក់ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
តាមប្រភពព័ត៌មានពីកន្លែងកេីតហេតុ បានឲ្យដឹងថា មុនពេលកើតហេតុ គេបានឃេីញម៉ូតូ ម៉ាកស្មាស់រីវ៉ូ ពណ៌ខៀវ ពាក់ស្លាកលេខ ភ្នំពេញ 1U-1224 បើកបរដោយ បុរសម្នាក់ជាសន្តិសុខឯកជន ធ្វេីដំណើរទិសដៅពីត្បូងទៅជើង លុះដល់ចំណុចកើត ស្រាប់តែមានបុរសម្នាក់ជិះម៉ូតូ ម៉ាកហុងដាឌ្រីម ស៊េរីឆ្នាំ២០២១ ពណ៌ខ្មៅ ពាក់ស្លាកលេខ ភ្នំពេញ 1IM-1654 ធ្វេីដំណេីរស្របទិសគ្នាក្នុង ល្បឿនលឿនជ្រុលបុកគ្នាពីក្រោយពេញទំហឹងបណ្តាលឲ្យដួលអូសជាច្រើនម៉ែត្រ និងរងរបួសធ្ងន់ទាំង២នាក់ ។
ក្រោយកើតហេតុ ជនរងគ្រោះត្រូវបានរថយន្តគ្លីនិកឯកជន ដឹកយកទៅសង្រ្គោះភ្លាមៗ ។ ចំណែកម៉ូតូទាំង២គ្រឿង សមត្ថកិច្ចចុះទៅវាស់វែងយកទៅរក្សាទុកនៅផ្នែកជំនាញខណ្ឌ រង់ចាំដោះស្រាយគ្នាតាមនីតិវិធី ៕
ដោយ៖សុខាសែនជ័យ
