សារព័ត៌មាន នគរវត្ត តែងតែនាំមុខគេជានិច្ច
ក្រុមបិសាចក្រហម Manchester United បានបង្កើតប្រព័ន្ធអនឡាញលើកទឹកចិត្តអ្នកគាំទ្រឱ្យរាយការណ៍ពីឧប្បត្តិហេតុនៃការរើសអើងជាតិសាសន៍និងឧក្រិដ្ឋកម្មស្អប់ផ្សេងទៀត។ នេះបើយោងតាមការចេញផ្សាយរបស់ AFP ដែល CNA យកមកផ្សាយកាលពីថ្ងៃទី០២ ខែមេសា២០២១។
យុទ្ធនាការដែលមានឈ្មោះ “See Red” របស់ក្រុម Man United បន្ទាប់ពីការចាប់ផ្តើមរបស់ក្រុម Arsenal កាលពីដើមសប្តាហ៍នេះនៃផែនការសកម្មភាពមួយដែលមានឈ្មោះថា #StopOnlineAbuse ។
តារារបស់ក្រុម Man United គឺ Antony Martial, Marcus Rashford និង Fred សុទ្ធតែរងការរំលោភបំពានលើការរើសអើងជាតិសាសន៍នៅរដូវកាលនេះ។ Fred បាននិយាយតបវិញថា “យើងមិនអាចចិញ្ចឹមវប្បធម៌នោះបានទេ”បន្ទាប់ពីគាត់ត្រូវបានគេរើសអើងជាតិសាសន៍បន្ទាប់ពីការបរាជ័យពេលប្រកួតជាមួយក្រុម Leicester នៅវគ្គ៨ក្រុមចុងក្រោយ FA Cup ។
អតីតតារាឆ្នើមរបស់ក្រុម Arsenal លោក Thierry Henry ថ្មីៗនេះបានលាឈប់ពីប្រព័ន្ធផ្សព្វផ្សាយសង្គមរបស់គាត់ទាំងអស់ដើម្បីតវ៉ាប្រឆាំងនឹងការកើនឡើងនៃការរំលោភបំពានលើអុីនធើណេត។
នាយកគ្រប់គ្រងក្រុមរបស់ក្លិបបិសាចក្រហម លោក Richard Arnold បាននិយាយថា “យើងជំរុញអ្នកគាំទ្ររបស់យើង និងអ្នកគាំទ្រគ្រប់ក្លិបទាំងអស់ឱ្យមើលរឿងនេះ ហើយគិតអំពីអនុស្សាវរីយ៍ដែលពួកគេចូលចិត្តក្រុមកំពូលៗ និងកីឡាករដែលមានភាពល្បីល្បាញបំផុត។ គួរឱ្យស្តាយអ្នកលេងបាល់ទាត់នៅទូទាំងប្រទេសបន្តទទួលការរំលោភបំពានតាមអុីនធើណេតដែលហាក់ដូចជាមិនខ្លាចការស្ដីបន្ទោស”។
សូមបញ្ជាក់ថា ពាក់ព័ន្ធនឹងបញ្ហារើសអើងជាតិសាសន៍នេះ ក្លិបបិសាចក្រហមនឹងសហការជាមួយ Premier League ដើម្បីបង្កើនបណ្តឹងតវ៉ានានាដែលទទួលបាននៅលើប្រព័ន្ធផ្សព្វផ្សាយសង្គម និងអាជ្ញាធរពាក់ព័ន្ធ។ ក្លិបក៏បានជំរុញវេទិកាប្រព័ន្ធផ្សព្វផ្សាយសង្គមដាក់ទណ្ឌកម្មលើអ្នកប្រកាន់ពូជសាសន៍តាមអុីនធើណេត ជាមួយនឹងសកម្មភាពតឹងតែងផងដែរ ៕
ដោយ៖ ភារៈ
