សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បើតាមមន្ត្រីសុខាភិបាល និងអាជ្ញាធរ បានប្រាប់បណ្តាញសារព័ត៌មាន កាលពីយប់ថ្ងៃទី៤ ខែមេសា ឆ្នាំ២០២១ គឺមាន ចៅក្រមសាលាដំបូងរាជធានីភ្នំពេញ លោក ធ្ធាំ បុណ្ណា បានរកឃើញវិជ្ជមានកូវីដ-១៩ សង្ស័យឆ្លងពីកូនប្រុសរបស់លោក។
មន្ត្រីសុខាភិបាលនិងអាជ្ញាធរ បានឲ្យដឹងថា, ក្រៅពីលោកចៅក្រមសាលាដំបូងរាជធានីភ្នំពេញ ក៏មានសាច់ញាតិរបស់គាត់មួយចំនួនទៀត ក៏ត្រូវបានរកឃើញវិជ្ជមានកូវីដ-១៩ផងដែរ។
សូមជម្រាបថា គិតត្រឹមម៉ោង៧៖០០នាទីព្រឹកថ្ងៃទី០៤ ខែមេសា ឆ្នាំ២០២១នេះ កម្ពុជាបានរកឃើញអ្នកឆ្លងសរុបចំនួន ២៦៨៩នាក់ ក្នុងនោះករណីសហគមន៍២០កុម្ភៈ ចំនួន២១៥៩នាក់, អ្នកជាសះស្បើយចំនួន ១៦៥៣នាក់, អ្នកកំពុងសម្រាកព្យាបាលចំនួន ១០១២នាក់, អ្នកស្លាប់ចំនួន ១៩នាក់ និងស្លាប់ដោយជំងឺផ្សេង ពេលកំពុងព្យាបាលកូវីដ១៩ចំនួន ៥នាក់។
សូមបងប្អូនជនរួមជាតិ ! ទាំង២៥ រាជធានី-ខេត្ត មេត្តាយកចិត្តទុកដាក់ខ្ពស់ អនុវត្តតាមវិធានសុខាភិបាល និងអនុសាសន៍ណែនាំដ៏ខ្ពង់ខ្ពស់ របស់សម្ដេចតេជោហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា នូវវិធានការ ៣ការពារ ៣កុំ ដើម្បីទប់ស្កាត់ការរាតត្បាតជំងឺ covid-19 ដ៏កាចសាហាវមួយនេះ៕
ដោយ៖ សិលា
