សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង ៖ កម្លាំងអន្តរាគមន៍ និងបង្ការ នៃស្នងការដ្ឋាននគរបាលខេត្តបាត់ដំបងបានកសាងសំណុំរឿងបញ្ជូនជនសង្ស័យម្នាក់ដែលខឹងគេបើកឡានឆាបម៉ូតូយកដុំថ្មគប់កញ្ចក់រថយន្តពីក្រោយបណ្តាលឲ្យបែកប្រេះស្រាំ នៅចំណុច ភូមិ ២០ ឧសភា សង្កាត់ស្វាយប៉ោ ក្រុងបាត់ដំបង ខេត្តបាត់ដំបង ទៅតុលាការកាលពីរសៀលថ្ងៃទី៤ ខែមេសា ឆ្នាំ២០២១នេះ។
មន្រ្តីនគរបាលបានឲ្យដឹងថា ជនសង្ស័យរូបនេះ បានគប់កញ្ចក់ រថយន្តជនរងគ្រោះម្នាក់ បណ្តាលឲ្យបែកកញ្ចក់ខាងក្រោយរថយន្ត កាលពីថ្ងៃទី៣០ ខែមីនា ឆ្នាំ២០២១ វេលាម៉ោង ប្រហែល៦និង៣០នាទីល្ងាច។ លុះដល់ថ្ងៃទី០២ ខែមេសា ឆ្នាំ២០២១ វេលាម៉ោង១១និង២០នាទីយប់ សមត្ថកិច្ចបានស្រាវជ្រាវដឹងឃាត់ខ្លួនជនសង្ស័យ ឈ្មោះ ឌិន ពៅ ហៅ ង៉ោល ភេទប្រុស អាយុ ៣២ ឆ្នាំ មានទីលំនៅ ភូមិព្រៃទទឹង ឃុំជ្រៃ ស្រុកថ្មគោល ខេត្តបាត់ដំបងនាំមកកាន់ស្នងការដ្ឋាននគរបាលខេត្តបាត់ដំបងដើម្បីសាកសួរ ហើយជនសង្ស័យបាន ឆ្លើយសារភាពថា កាលពី ថ្ងៃទី ៣០ ខែមីនា ឆ្នាំ២០២១ វេលាម៉ោង ប្រហែល ១៨និង៣០ នាទី ជនសង្ស័យបានចេញពីផ្ទះ ដែលស្ថិតនៅក្នុងភូមិ ព្រៃទទឹង ឃុំ ជ្រៃ ស្រុកថ្មគោល ខេត្តបាត់ដំបង ជាមួយ មិត្តភក្តិ ម្នាក់ ទៀត ឈ្មោះ សត់ ភេទប្រុស អាយុ ប្រហែល ២៦ ឆ្នាំ ដោយជិះម៉ូតូ ម្នាក់ មួយគ្រឿងដើម្បី មក ហូប ចុក នៅ ក្នុង ក្រុងបាត់ដំបង ។ លុះ ដល់ ពេល ត្រឡប់ ទៅ ផ្ទះ វិញវិរូបគេស្រវឹងស្រា តិចៗ ដែរ ហហហហើយនៅពេលជិះម៉ូតូ តាមផផ្លូវដល់ចំណុចមុខវត្តរូង ស្រាប់តែមាន រថយន្ត ដឹកទំនិញ ធុនធំ មួយ គ្រឿង បើក មក ឆាប រូបគេ ដែល កំពុង ជិះ ម៉ូតូ តាមផ្លូវ ។ពេលនោះខ្លួនខឹងក៏បាន ឈប់ ម៉ូតូ រើស យក ដុំ ថ្ម ០១ ដុំ គប់ ទៅ លើកញ្ចក់ រថយន្ត នោះ ហើយ ក៏ បាន ជិះ ម៉ូតូ រត់ គេច ខ្លូន ។រហូត ដល់ ថ្ងៃទី ០២ ខែ មេសា ឆ្នាំ២០២១ វេលាម៉ោង២៣និង២០នាទី ទើបកម្លាំងសមត្ថកិច្ចធ្វើការ នាំខ្លួនមកកាន់ស្នងការដ្ឋានតែម្តង ។
ជនរងគ្រោះ ឈ្មោះ ជឹង ប៉ូច ភេទប្រុស អាយុ ៣៨ ឆ្នាំ មានទីលំនៅ ភូមិ អូរតាគាំ ១ សង្កាត់ ទួលតាឯក ក្រុងបាត់ដំបង ខេត្តបាត់ដំបង បានដាក់ពាក្យបណ្តឹងករណីនេះឲ្យសមត្ថកិច្ចចាត់កាតាមច្បាប់។
ជនរងគ្រោះបានប្រាប់ថាសម្ភារខូចខាតមានរួមមាន រថយន្ត ម៉ាក ហ៊ីយ៉ាន់ដាយ ពណ៌ ក្រហម ពាក់ស្លាកលេខ បន្ទាយមានជ័យ 3A-1679 បណ្ដាលឲ្យបែក កញ្ចក់ ក្រោយ ។
ក្នុងករណីនេះដែរសមត្ថកិច្ចដកហូតវត្ថុតាង រួម មាន ម៉ូតូ ០១ គ្រឿង ម៉ាក ហុងដា ឌ្រីម សេ ១២៥ ពណ៌ ខ្មៅ ស៊េរីឆ្នាំ ២០១៣ ពាក់ស្លាកលេខ បាត់ដំបង 1Q-5482 ( ដែល ជា ម៉ូតូ ជិះ ធ្វើសកម្មភាព ) ។
បច្ចុប្បន្ន កម្លាំងនគរបាលការិយាល័យ ជំនាញនៃស្នងការដ្ឋាននគរបាលខេត្ត កំពុងតែកសាងសំណុំរឿង បញ្ជូន ទៅ សាលាដំបូង ខេត្ត ដើម្បីចាត់ការ បន្ត តាមនីតិវិធី ៕
ដោយ៖ ប្រាថ្នា
