សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បេីករថយន្តក្នុងល្បឿនលឿនចាប់ហ្វ្រ័ងមិនទាន់ជ្រុលទៅបុករះរថយន្តពីរគ្រឿងនៅខាងមុខបណ្តាលឲ្យរងការខូចខាតនិងរបួសម្នាក់។
ហេតុការណ៍នេះបានកេីតឡេីងកាលពីវេលាម៉ោង១១និង២០នាទីព្រឹកថ្ងៃទី៥ខែមេសា ឆ្នាំ២០២១ នៅចំណុចមុខផ្សារជម្ពូវ័ន តាមបណ្តោយផ្លូវជាតិលេខ៤ ភូមិជម្ពូវ័ន២ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
តាមប្រភពព័ត៌មានបានឲ្យដឹងថា មុនពេលកេីតហេតុគេបានឃេីញរថយន្តកូរ៉េពណ៌ស ពាក់ស្លាកលេខភ្នំពេញ2BF- 3992 និងរថយន្តម៉ាកព្រូសពណ៌ស ពាក់ស្លាកលេខភ្នំពេញ2AX-6091បើកតាមបណ្តោយផ្លូវជាតិលេខ៤ ក្នុងទិសដៅពីកេីតទៅលិច ខណៈមកដល់ចំណុចកេីតហេតុដោយសារស្ទះចរាចរណ៍ក៏បន្ថយល្បឿន ភ្លាមនោះស្រាប់តែមានបុរសម្នាក់បេីករថយន្តម៉ាកព្រូសពណ៌ស ពាក់ស្លាកលេខកំពង់ស្ពឺ2C-1566 បេីកបរក្នុងល្បឿនលឿនចាប់ហ្វ្រ័ងមិនទាន់ក៏ជ្រុលទៅបុករថយន្តព្រូសនៅខាងមុខរុញទៅផ្ទប់រថយន្តកូរ៉េបណ្តាលឲ្យរងការខូចខាតយ៉ាងដំណំនិងមានស្ត្រីម្នាក់រងរបួស។
ក្រោយកេីតហេតុស្ត្រីរងគ្រោះបានទៅមន្ទីរពេទ្យដោយខ្លួនឯង ចំណែកបុរសអ្នកបេីករថយន្តបង្កព្រមទទួលកំហុសនិងចេញថ្លៃជួសជុលទៅលេីរថយន្តទាំងពីរគ្រឿងដេីម្បីបញ្ចប់រឿងនៅកន្លែងកេីតហេតុ៕
ដោយ៖សុខាសែនជ័យ
