សារព័ត៌មាន នគរវត្ត តែងតែនាំមុខគេជានិច្ច
ខេត្តមណ្ឌលគិរី៖ នៅរសៀលថ្ងៃទី ៥ ខែ មេសាឆ្នាំ២០២១នេះលោកស្វាយ សំអ៊ាង អភិបាល នៃគណៈអភិបាលខេត្តមណ្ឌលគិរី និងលោក ជាក់ ម៉េងហ៊ាង អភិបាលរងខេត្ត បានទទួលកាហ្វេ ចាយ ម៉ៅ មណ្ឌលគិរីចំនួន ៥កេសធំ ពីលោក ចាយ ម៉ៅ និងភរិយា។
នាឱកាសនោះ លោកអភិបាលនៃគណៈអភិបាលខេត្ត បានថ្លែងអំណរគុណចំពោះ លោក ចាយ ម៉ៅ និងភរិយា ដែលបានឧបត្ថម្ភកាហ្វេ ចាយ ម៉ៅ មណ្ឌលគិរីដល់រដ្ឋបាលខេត្ត ដើម្បីបែងចែកជូនមន្រ្តីសុខាភិបាលដែលកំពុងធ្វើការចាក់វ៉ាក់សាំងជូនមន្រ្តីរាជការលើកទី២នៅក្នុងបរិវេណសាលាខេត្តមណ្ឌលគិរី ។
បន្ទាប់មកលោកអភិបាលខេត្តបានជូនពរដល់លោក ចាយ ម៉ៅ និងភរិយា ព្រមទាំងក្រុមគ្រួសារ សូមទទួលបាននូវសុខភាពល្អ ជោគជ័យគ្រប់ភារកិច្ច និងទទួលបាននូវពុទ្ធពរទាំងបួនប្រការគឺៈ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ៕
ដោយ៖ សូរិយា
